1 Lot de breedaliche Leew bliewen. Joh 13:34; 2Pe 1:7 2 Vejät nich, gaustfrie to sennen; wiels doaderch haben eenje onweetent Enjel oppjenomen. 1Mo 18:2-3; 19:2-3; Ree 12:13; 1Pe 4:9; 3Joh 1:5-8 3 Denkjt aun de Faustjenomne, aus met äant met-jebungen; un dee schlajcht Behaundelde, aus dee jie uk selfst em Kjarpa sent. Mat 25:36

4 De Ehe saul ierlich jehoolen woaren en aulem un daut Bad onbesudelt; oba Huara un Ehebräakja woat Gott rechten. 5 Lot jun Waundel onen Habsucht* sennen; siet tofräd, met waut jie haben. Wiels Hee haft jesajcht: "Ekj woa die nich tochloten uk nich veloten"; 5Mo 31:6; Jos 1:5; 1Tim 6:6 6 soo daut wie kjennen em Vetruen sajen: "De Har es mien Helpa, ekj woa mie nich ferchten; waut kaun een Mensch mie doonen?" Ps 118:6

7 Denkjt aun june Väastonende, woone Gott sien Wuat to junt jerät haben; äa Enj vom Waundel bekjikjt un folcht äarem Gloowen. 8 Jesus Christus, deeselwja, jistren un vondoag, uk enne Eewichkjeit. Jes 41:4; 1Kor 3:11; Opb 1:17-18; 22:13 9 Lot junt nich von veschiedne un framde Lieren romdroagen; wiels daut es een scheenet Dinkj, daut daut Hoat met Jnod faustjesat woat, nich met Äten, wuarenn dee kjeenen Nutzen haben, waut doamet omgonen. Ree 14:17; 2Kor 1:21; Efs 4:14; 1Tim 4:8

10 Wie haben eenen Aultoa, wuavon dee kjeen Rajcht haben to äten, waut daut Zelt deenen. 11 Wiels dee Tieren äare Kjarpasch, dee äa Bloot en daut Heilje nenjebrocht woat derch dän Huagenpriesta fa de Sind, woaren buta daut Loaga vebrent. 3Mo 6:30; 16:27 12 Doawäajen haft uk Jesus, om de Menschen to heiljen, derch sien ieejnet Bloot, buta de Puat jeläden. Mat 21:39; Joh 19:17

13 Lot ons nu rutgonen no Am buta daut Loaga un siene Schaund droagen. Heb 11:26; 12:2 14 Wiels wie haben hia kjeene bliewende Staut, oba wie sieekjen de Komende. Heb 11:10; 12:22 15 Soo lot ons nu aule Tiet opfren derch Am daut Low-Opfa to Gott, daut es de Frucht vonne Leppen, dee sienen Nomen bekjanen. Ps 50:14,23; Hos 14:3 16 Goodet to doonen un met to deelen vejät nich; wiels soone Opfasch jefaulen Gott sea.

17 Jehorcht june Väastonende un siet unjadon; wiels see woaken äwa june Seelen aus soone, waut Räakjenschoft jäwen motten, daut see daut muchten met Freid doonen un nich met Seften; wiels daut es junt onnutzboa. Hes 3:17-19; 1Tess 5:12 18 Bät fa ons. Wiels ons Vetruen es, daut wie een goodet Jewessen haben un en aules wellich sent, ons tru opp to fieren. Ree 15:30; 2Kor 1:11-12 19 Oba väl mea bedd ekj junt, dit to doonen, daut ekj junt mucht ea trigj-jestalt woaren.

20 Un mucht de Gott von Fräd, dee onsen Harn Jesus Christus von de Doodje rutjefieet haft, dän grooten Hoad vonne Schop, derch daut Bloot von däm eewjen Bunt, Joh 10:11; 1Pe 2:25 21 junt vollkomen moaken en jieda goodet Woakj, sienen Wellen to doonen un en junt schaufen daut, waut ver Am wooljefellich es, derch Jesus Christus, wäm de Iea traft fa emma un emma. Amen.

22 Un ekj bedd junt, Breeda, dult daut Ermonungs-Wuat; wiels ekj hab junt met weinich Wieed jeschräwen. 23 Weet, daut ons Brooda Timotäus wada frie-jeloten es; met däm toop, wan hee em Korten kjemt, woa ekj junt seenen. 24 Jreest aul june Väastonende un aul de Heilje. Dee von Italien jreessen junt. 25 De Jnod sie met junt aula. Amen. No de Hebräa jeschräwen von Italien, derch Timotäus.