1 Ɛrama iyi Omosisi akwu u wɔ uwu apula iyeshi iyi bɔkɔ i yi mu inyɔma; moo akwu ireyi mafyi yi mo. Inyi i domo tee ii shi onzu uwu bɔkɔ e bo mbaa Ukpo laa nyɔlɔma yɛriri kwuwongu isabɔ iyi bɔkɔ e koko ee wo awu mo. 2 Lɔ zɔ tee enzu umba o gbo Ɔya laa Ukpo o yi sɛsɛ, gba isabɔ ɛnyi li gbɔ ingbomo ma ireyi, isabɔ iwomo li bi yi fo, akwɛyi ba lo bo ma tee umba o yi ingbomo mo. 3 Isabɔ iwomo ɛnyi ba o wo yi kari kari, kaa li shi enzu lo lolo ingbomo mbo. 4 Moo ɛnzhi umba endo anu mba mbala ɛmu o do tee o gbɔ ingbomo ma mo.

5 Kwuwo kwɔlɛ, kwuyengwu bɔkɔ Okrasi a ŋa nyɔ mu kwudu kwɔlɛ awu, a za laa Ukpo tee:

<<Isabɔ mbala rɛshi ŋɔ gyi yi mo,

uŋɔ ba ŋɔ shi mi ɛnwu ka la mi shi.

6 Uŋɔ ŋɔ mwɔnyɛ iyi isabɔ iyi ɛmu umba o pwu mbo mo ngyɔɔ mu ɔla uwu isabo mo

naa isabɔ iyi o wo yi kaa li gbɔ ingbomo ma mo.

7 Akwɛyi mi zɔ tee, <Ukpo Imi mi ŋɔ le,

kaa la mi wo iyi bɔkɔ ŋɔ gyi,

mate bɔkɔ o ka mu meka mi mu Kwokpo ungwu ɛrama iyi Omosis.>>>

8 Iyi kwonze Okrasi a zɔ tee, <<Uŋɔ ŋɔɔ mwɔnyɛ mbala isabɔ mbala rɛshi iwomo mbala izɔfyi umba bɔkɔ o pwu mbo mo ngyɔɔ mu ɔla uwu isabɔ kaa li to ingbomo mo.>> E so tayi le bi mo e yitu tee isabɔ ɛlɛ lɛɛbi o wo yi mate bɔkɔ ɛrama iyi Omosisi i so tayi. 9 Akwɛyi a zɔ tee, <<Ukpo Imi mi ŋɔ le, mi bo tee la mi wo iyi bɔkɔ ŋɔ gyi.>> Akwɛyi Ukpo a pya isabɔ iyekyi ɛnyi ma akwɛyi isabɔ iyi Okrasi i ri kwunzu yi. 10 Kwuwongwu Ɔzhizɔsi Okrasi e wo iyi bɔkɔ Ukpo a gyi, kinzu lɛɛbi o wulu nzu ma mu ingbomo nzu kwuwongu rɛshi ingyi bɔkɔ a ra la ɛnwu wu e shi izhi ikpɛnyi kɛɛkyi ba akwu iyɔkpɔ biŋa awu.

(????Kwuwongwu Ɔzhizɔsi Okrasi e wo iyi bɔkɔ Ukpo a gyi, kinzu lɛɛbi o wulu nzu ma mu ingbomo nzu kwuwongu rɛshi ingyi bɔkɔ a ra la ɛwu e shi izhi ikpɛnyi kɛɛkyi ba akwu iyɔkpɔ biŋa awu.)

(???Kwuwongwu Ɔzhizɔsi Okrasi e wo iyi bɔkɔ Ukpo a gyi, kinzu lɛɛbi o wulu nzu ma mu ingbomo nzu kwuwongu rɛshi ingyi bɔkɔ a ra la ɛwu e shi izhenyi kɛɛkyi ba akwu iyɔkpɔ biŋa awu.)

11 Kwɔfyi kwɔfyi Obwoshi uwu Azhu uwunawuna ee wo ɛduma wu ba ee wo nzhii bi; isabɔ ɛlɛ ba i do ingbomo igbɔma mo ndii. 12 Okrasi ba a ra la ɛnwu wu e shi Ukpo isabɔ ikpɛnyi iyi ingbomo, isabɔ iyi bɔkɔ i yi ekpasu iyɔkpɔɔ ba ɔkpɔɔ, akwɛyi a ŋɔma mu kwuwo ungwungyi ungwu Ukpo. 13 Ee yi mɔmɔ nzhii ba kwuyengwu Ukpo e shi agewa wu o kwu kagyi unga alɛ ifulomo wu. 14 Kwuwongwu isabɔ ikpɛnyi iyi bɔkɔ e wo le, enzu umba bɔkɔ o gbɔ ingbomo mba ma e shi mbo o nyɔlɔma yɛriri.

15 Kwundu uwu Ukpo e to izɔgɔ meka iyi Okrasi tete. Iyi kwonze a zɔ tee:

16 <<Ɔkwu a zɔ tee, mu afyi iyi i bi nyɔ awu,

kɛlɛ gba akwu kenzu igyirima unga mii wo mbala mba le tee:

Imi mii shi ɛrama mi mi mu akɔ mba

akwɛyi mi ka yi ma mu egbo mbo.>>

17 Akwɛyi a zɔ tee, <<Imi mii lolo ingbomo mbala ɛduma iyira mba fo.>> 18 Kwuwo kwɔlɛ gba ingbomo mbo o gba yi kpamba, rɛshi ingyi ki gbɔ ingbomo ma o yi ugɔ ngyi fo.

19 Ɛmɛnɛ mi, kwuwongu lukwu undu Okrasi, kinzu ki fyemo mu Riyi Ingyi Ri Ka Kɛrikɛri le mu egbo ikpɛnyi. 20 Kwuwongwu lukwu wu, Okrasi a wu nzu ɔgwuzɛ uwepo ma, ɔgwuzɛ uwu kwunyɔ, uwu bɔkɔ u zɛ mu iregye, inyi gba akwu, ɛnwu wu le. 21 Kinzu ki yi Obwoshi uwakwu uwu bɔkɔ akwu u bɔ eyi mu kwogba ungwu Ukpo. 22 Kwuwo kwɔlɛ la ki bo kɛlɛ mbaa Ukpo mu egbo ikpɛnyi mbala ikwu idu lu fulo iyi bɔkɔ i yi aka mo, mbala akɔ iyi bɔkɔ o wulu yi ma mu egbo iyira mbala ɛnwu iyi bɔkɔ o gbɔ yi ma mu embyi wasɛsɛ. 23 Kinzu la ki ra la eyi ifulomo nzu gbagiri, kwuwongu Ukpo uwu bɔkɔ e siso e shi mɛzhi awu ee wo yi tayi. 24 Kinzu la ki ka esu ɛnwu ma, la ki mbwama lesu, la ki gyesu akwɛyi la ki wo iyeshi lesu. 25 Kinzu la ki lafyima la igyirima mbala esu mo, mate bɔkɔ umbafo o koko oo wo tayi. Kinzu ba, la ki gyakpɔɔ mu esu ɛnwu ikɔma iyɔkpɔɔ, mate bɔkɔ lu yi mu imama tee kwɔfyi ungwu Ɔkwu kwu ndama fo awu.

26 Moo isabɔ iyi i gbɔ ingbomo nzu mo i yi fo akwiyi gba ki so wu mu ingbomo iyi iyayigbɛ mizhikembo iyi bɔkɔ ki yitu iyi ongbulolo o. 27 Iyi bɔkɔ i shi gba akwu tee la ki rigbo ombu izɔma mbala ɔyi uwɔku uwu bɔkɔ u bu pwu agewa umba Ukpo mo! 28 Onzu uwunawuna uwu bɔkɔ e lomo laa Ɛrama iyi Omosisi mo, o ngbɛ wu ma, oo ma inyashi wu mo, akwiyi gba enzu wepo naa wala gba o to izɔgɔ tee e wo kiya ngyɛngyi. 29 Enzu umba bɔkɔ o zhi Umɛ uwu Ukpo mo ba iyamba ii yi te? Umba bɔkɔ o zhi ɛnzhi umba kenzu igyirima umba bɔkɔ o wulu ingbomo mba ma? Umba bɔkɔ o pye Kwundu uwu Ukpo uwu a ka la enzu esheshi ari? Mu imama yi, la lu byi egbo iyi inyashi iyina bɔkɔ i fate li du mbo mo! 30 Moo kinzu ki yi onzu uwu bɔkɔ a zɔ tee, <<Mii wakwusa ma, mii wa ngwu mba ma>>; A gba e so kpɔ tee, <<Ɔkwu aa zɔ enzu wu ombu.>> 31 Akwu kiya ingyi iyi kaa onzu le fye mu ɔwu uwu Ukpo ureyi!

32 La lu lolo ewo iyi bɔkɔ i yi mekyi kwuyengwu bɔkɔ lu pwa iso iyi Okrasi awu. Mizhikembo iyi bɔkɔ ɛbɛ iyi Ukpo i du yi, lu ma inyashi mu apula riba riba, inyashi ɛnyi ba i ri yi mo mo. 33 Lunyi umbafo o kpa yi ari gedegede, o lo yi inyashi mu eyi iyi enzu, enzu umba bɔkɔ o ye mbo mu iyi ilomo tete lala lu kyo mbala mba. 34 Enzu umba bɔkɔ o yi mu ugu ugyi lu ma inyashi mbala mba tete, lu mwɔnyɛ kwuyengwu bɔkɔ o na yi apula ma kwuwongu lu yitu tee lu yi apula iyi bɔkɔ i ka ɛlɛ ma, iyi bɔkɔ akwu iyɔkpɔɔ ba ɔkpɔɔ. 35 Kwuwo kwɔlɛ egbo yi li muma mo, kwuwongu ɛlɛ ii ka yi laa rigbɛ ingyɛkwuu. 36 Ishoshi tee la lu yidu, kaa la lu wo iyi bɔkɔ Ukpo a gyi akwɛyi luu fya iyi bɔkɔ e to yi ishi ma yi awu. 37 Moo mate bɔkɔ kwokpo ungwu Ukpo kwu zɔ tee:

<<Kwuye bwɛ,

akwɛyi uwu, uwu bɔkɔ e yi mu inyɔma awu, a nyɔ.

aa ngbɛ kwuye mo.

38 Enzu umba mi umba ototo ba oo yi kwunyɔ akwiyi gba o kwu idu lu fulo;

akwiyi gba ba onzu uwufo a gba kembo,

Imi mi mwɔnyɛ mbala wu mo.>>

39 Kinzu ba ki kwu enzu umba oo gba kembo akwɛyi o kpɛdɔma mo. Kinzu ki yi ikwu idu lu fulo akwɛyi ki fya isama ma.