1 Sobon yomu e kamata ntani su tunani mu nkye muma bunwa ni Kiristi la worede su ma wakili ni amana gaskye ni asiri Mirikisi. 2 Mbo ndandaa de sua bila anya bunwa mu e ma su dole de su ma nsu aminshi. 3 Ni damu ba ko piri, nde kwa yi Ni shiriya ko te anya nsebeki na yaa yi ni shiriya; Eni ma ni taba yi kiya na shiriya ba. 4 Ni shina dishiya na e ma sereyi, sede yomu yaa nana ni ma mere lepi ba. Mirikisi e shina yaa yi ni shiriya. 5 Nkayomu kede ku yi nseda shiriya tunde kwanki yi ba; Pekye de Obagizi e kuma. Yaa pelesa mbode ma a boyi a siki dopuwa zo asikye nja yaa pelesa mbode ma dishiya nsebeki. Kwanki ni kowoni nse yaa keleba yobo dege Mirikisi. 6 Kuzukam, yayuwa, Ni yi misali mbo mu ni nkiya na nja Apolos sobon de ku kokoyi mbode mua yi, <<Kede ku bise mbode e ma rubuta a siki takada Mirikisi ba.>> Kede nseda aku e yi dolo a kiya mbode e kokoyi nkye e pi ni nseda ba. 7 Waa sa ke de ki ma mbodaa pi nseda? Mina ki ma nshi de ki keleba anya Mirikisi na ba? Nde keleba na ki yi, mina sa de ka dege dolo kankye kyawuta na ki keleba mbomu ba? 8 Ku rigye samu guru mbode kwa so! ku rigye mani mbo nani! ku rigye ma seleki, omu shina bo, nda su nkye ku yi seleki de omu ma du mu yi nja ku. 9 E mani kankye Mirikisi samu de muma yayamanki a nana karishe, kankye ntani de su sa su de su muntu totolo a pili topula. Muma mbo guru a durinya, nja meleku ari nja nsebeki. 10 Su la mu ma Odundu sobon Kiristi, sede oku kuma nsu wayo a siki Kiristi! Kuman girima, omu muma mbo dala andani ntani ba! 11 Ari kuzukam mua zi nyunwa nja kishi riki, mua pushe sua dukwa mu, mua sa keikei de saga, mu mani gizi ba. 12 Mu yi ANKI nsu wuya ni nani amu. De su gbotu mu, mu sa su anabirika; de su ba mu takaasi, mu yi kadishiya nshi; 13 De su basi de su bebeta seni mu, mu lama ba. Ari kuzukam mu ma kankye bawe ni durinya; de konse yaa kone mu kankye nyanye durinya. 14 Na rubuta ku mbo mu de ku zi kumnya naba, sede ni ja ku kuni, kankye yaya na de na so. 15 Ko de nkye ku mani nsu kone nku dupu a siki Kiristi, Ku mani adaa nyowa ba, sobon yomu a siki Yesu Kiristi Ni ma adaa aku te anya beyi nabari kyakyawu. 16 Nkayomu Na ologba ku, ku ma nsu beyi seni na. 17 Sobon delili mu Na saka ku Timoti, Yaa na de Na so, de mani aminshi a siki Obagizi. Yaa sa ku de ku turunwa ANKI na de na yi a siki Yesu Kiristi, nsu de yeda nja mbode Ni kokoyi anya guru nja siki ntani nsubiya Yesu. 18 Worosu su aku su ma nsu rishi kiya, kankye Na kuma zo anya aku gagaba. 19 Sede Na dede ba na zo anya ku, nde Obagizi yeda, Na bila de nzi beta nsu rishi kiya mu kin naba, sede na geni ko woni sori na su manshi. 20 Sobon solota Mirikisi ma beta baki kin naba sede e mani sori la. 21 Wona ku zabi? Ni zo ku ni ambere, ko a siki aworo so nja a siki soki kiya?