1 Coríntios 7

Aadhanna Heeruma Uudaxxenni

1 Borreesitine qortineemmaxxe yaanexxee’e, manji melaaltibaa gamata gopheele*7:1 Mitte mitte tika manji meyyaxxen diipha gophe’ya eloxxen hittaan. eloxxen. 2 Yaane kinni yabaabulletenaa’n gatatee’e mitti mitting manji ifi ifinixxa are afowaal; mitte mittendi melaallenna ifi ifinga aro’o affowaal. 3 Aro’i are ifixxee hasissaaxxa yaane duuchcha ise’a assiyyo hasissaan; iittanni aretinna aro’o ifikee hasissaaxxa yaane duuchcha isi’a assiyyo hasissaan.

4 Are ifike biso’ni baaloma afebaan, isike biso’n baaloma afe’eek iseke aro’on; iittanni aro’i biso ifike’n baaloma afebaan; isike biso’n baaloma affeexxi are isixxen. 5 Sooddachchote’n ciccatee’e weli aagine yannaate’e kaddoole malee, weli’aan weli hoyyexxinoqqe’e. Ifi heqqedhaa gophati duriis ha’no hega uudabaashsha haaroba mitteba hedhdhe.