38 Yessuusi barisiisa’ni hiyyee qici, «Muuseke seerixxe barsiisanonaa’ni ifi heqqedhdhe! Insa’ne qeerrarramma seemma odo’wineexxi elqe kayya mammaremate eenaani. Insa’nenna dikko giddonna ulfinniinka nage’a eeyyaakeraani. 39 Iittanni insa’ne Muuseka seera barantaammaake mine’ni ulfinniinxe moote’ni, itatike booncho’ninna ulfinniinke booncho halsinaani: 40 qeerraxxa yanna soodanta’ni aro’o shi’witeexxe melaalleka mine duwwi gatinsaan: tennee assaakera’ni jabaxxe murte murendaani» hiyye.
Hiyyeette Manjichchoxxa Uwwa
(Luq. 21:1-4)