Marqoosixxaa Wengeele 4

Yessuusi Danbala’a Sammi Asse

35 Isinna eettene barraxxa hashsha hordofeeyye ifixxa, «Ke’we abaayyati widi’a foonfo!» hiyye. 36 Insa’nenna arda ookoo waalleexxi isoo hobolote’ni adhdhine me’ine; wele hoboluwwanna isinni welti hexxemmani. 37 Ookkone wodda jabaxxi hobonbalte kexxe; danbala’ikinna wodi’i hobolote’ni wo’maa qico’ni hobolo erqe kayya gana’nemman. 38 Yessuusi hoboloti udumi ga’mii’ni boraafatee diipheemmani; hordofeeyyetinna isoo dammassiteexxi «Barsiisanjo! No’o mundaa’naa sammitatto?» hite.

39 Isinna dammaqeexxi diidallo xixe; abbaayyatanna «Sammiyyi!» hiyye. Diidallotinna hirbaange’ni sammi hite; lumoki ca’lini kade.

40 Isinna hordofeeyye ifixxa: «Mayee iitta sodaattine? Konne qico’ni amana affinebaa hiyyotee?» hiyye.

41 Insa’nenna lumo qico sodaanteexxi, «Diidallotinna abbaayya midde ajajenda’neeki kunni maa manjike manjo?» weli’an weli hine.