Marcos 7

Siroofiniiqichcho Manjichcho

24 Yessuussi Xiroosike qachchike qarqara’ni hedheeke looluwwibaa me’e; isinna mitte mine’ni e’yeexxi ookko hedheexxxa ayyinna egenabaashsha hase; kaddo malee ookko’o sho’omatee dande’ebaani. 25 Hirbange’ni isexxi shiixxoxxi belto fuggichchi hafuurinni abidendeexxi mitte manjichcho Yessuussixxee laqqeexxi dagge’e lekka isixxe’n ibbe. 26 Manjichchotinna Girkiichchote kaddeexxi ilenshatinna Sirofiniiqichchotemman. Isenna Yessuussi belto isexenaa’ni fuggichcha hafuura fulchaashsha kadhate.

27 «Oosetixxa ita aa’ne worshakee uwwa seerake kada gophpheemmaxxee» isi kinni, «edisse’e oosendi godite ittowwaali» ise’a hiyye.

28 «Dhugaandeni anke Gootta» manjichchotinna hiisiteexxi, «yaane kinni worshikinna qoreti hunda hedhee oose itta’naa harca’emmaka itaani» isoo hite.

29 Okkonechchi uduma Yessussinna, «Tennee hiteettaxxee me’i; fuggichchi hafuurna atixxe beltonaa’ni fuleeni» ise’a hiyye.

30 Isenna ifike minibaa higgee wodda belto isexxenaa’ni fuggichchi hafuuri fulee’naa belto taqete’ni diiphee’na affe.