Gênesis 9

8 फिर परमेश्वर ने नूह अरु ओका बेटाहोन से बोल्यो. 9 "सुन्नु, मी तुम्हारा साथ अरु तुम्हारा बाद जो तुम्हारो कुल हुये, ओका साथ भी वाचा बाँधुस हइ. 10 अरु सब जिन्दा जनवरहोन से भी जो तुम्हारा संग हइ, का चिडी का घरेलू जनवर, का पृथ्वी का जेत्ता जीवजन्तु जहाज से निकल्या हइ. 11 अरु मी तुम्हारा साथ या वाचा बाधुस हइ कि सब जनवर फिर जल प्रलय से नष्ट नी होनका अरु पृथ्वी खे नष्ट करन का लिय फिर प्रलय नी होनको." 12 फिर परमेश्वर ने बोल्यो, "जो वाचा मी तुम्हारा साथ, अरु जेत्ता जिन्दा जनवर तुम्हारा संग हइ उन सब का साथ भी युग युग का पीडीहोन का साथ बाँधुस हइ: ओको चिन्ह हइ. 13 कि मेने बद्दल मे अपनो धनुष रख्यो हइ, उ मरा अरु पृथ्वी का बीच मे वाचा को चिन्ह हुये.