Deus é nosso refúgio

1 מכתם לדוד שמרני אל כי חסיתי בך׃


1 למנצח לעבד יהוה לדוד אשר דבר ליהוה את דברי השירה הזאת ביום הציל יהוה אותו מכף כל איביו ומיד שאול ויאמר ארחמך יהוה חזקי׃

2 יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

3 מהלל אקרא יהוה ומן איבי אושע׃


1 למנצח לבני קרח על עלמות שיר אלהים לנו מחסה ועז עזרה בצרות נמצא מאד׃


7 מה יקר חסדך אלהים ובני אדם בצל כנפיך יחסיון׃


29 מעוז לתם דרך יהוה ומחתה לפעלי און׃


26 ביראת יהוה מבטח עז ולבניו יהיה מחסה׃


17 עזי אליך אזמרה כי אלהים משגבי אלהי חסדי׃


1 תפלה למשה איש האלהים אדני מעון אתה היית לנו בדר ודר׃

2 בטרם הרים ילדו ותחולל ארץ ותבל ומעולם עד עולם אתה אל׃


1 למנצח מזמור לדוד בך יהוה חסיתי אל אבושה לעולם בצדקתך פלטני׃

2 הטה אלי אזנך מהרה הצילני היה לי לצור מעוז לבית מצודות להושיעני׃

3 כי סלעי ומצודתי אתה ולמען שמך תנחני ותנהלני׃

4 תוציאני מרשת זו טמנו לי כי אתה מעוזי׃

5 בידך אפקיד רוחי פדיתה אותי יהוה אל אמת׃


8 טוב לחסות ביהוה מבטח באדם׃

9 טוב לחסות ביהוה מבטח בנדיבים׃


7 טוב יהוה למעוז ביום צרה וידע חסי בו׃


4 כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר׃


5 אך לאלהים דומי נפשי כי ממנו תקותי׃

6 אך הוא צורי וישועתי משגבי לא אמוט׃

7 על אלהים ישעי וכבודי צור עזי מחסי באלהים׃

8 בטחו בו בכל עת עם שפכו לפניו לבבכם אלהים מחסה לנו סלה׃


9 ויהי יהוה משגב לדך משגב לעתות בצרה׃

10 ויבטחו בך יודעי שמך כי לא עזבת דרשיך יהוה׃


3 היה לי לצור מעון לבוא תמיד צוית להושיעני כי סלעי ומצודתי אתה׃


1 לדוד יהוה אורי וישעי ממי אירא יהוה מעוז חיי ממי אפחד׃

2 בקרב עלי מרעים לאכל את בשרי צרי ואיבי לי המה כשלו ונפלו׃

3 אם תחנה עלי מחנה לא יירא לבי אם תקום עלי מלחמה בזאת אני בוטח׃


1 ישב בסתר עליון בצל שדי יתלונן׃

2 אמר ליהוה מחסי ומצודתי אלהי אבטח בו׃

3 כי הוא יצילך מפח יקוש מדבר הוות׃

4 באברתו יסך לך ותחת כנפיו תחסה צנה וסחרה אמתו׃