יהוה חננו לך קוינו היה זרעם לבקרים אף ישועתנו בעת צרה׃

לכן אחי דמו והוחילו עד בוא האדון הנה האכר מחכה לטוב תבואת האדמה בהוחילו כי ירד עליה גשם יורה ומלקוש׃

כן הוחילו גם אתם ואמצו לבבכם כי קרוב האדון לבא׃

אל תאמר אשלמה רע קוה ליהוה וישע לך׃

כי מרעים יכרתון וקוי יהוה המה יירשו ארץ׃

ומעולם לא שמעו לא האזינו עין לא ראתה אלהים זולתך יעשה למחכה לו׃

ושמרתם את נפשתיכם באהבת אלהים וחכיתם לרחמי אדנינו ישוע המשיח לחיי העולם׃

דום ליהוה והתחולל לו אל תתחר במצליח דרכו באיש עשה מזמות׃

קוה אל יהוה ושמר דרכו וירוממך לרשת ארץ בהכרת רשעים תראה׃

קויתי יהוה קותה נפשי ולדברו הוחלתי׃

נפשי לאדני משמרים לבקר שמרים לבקר׃

גם כל קויך לא יבשו יבשו הבוגדים ריקם׃

כי לך יהוה הוחלתי אתה תענה אדני אלהי׃

קוה אל יהוה חזק ויאמץ לבך וקוה אל יהוה׃

למנצח לדוד מזמור קוה קויתי יהוה ויט אלי וישמע שועתי׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

אך לאלהים דומי נפשי כי ממנו תקותי׃

אשר אחריתם האבדון אשר כרסם אלהיהם וכבודם בבשתם וקרבם הבלי חלד׃