1 emme uggas emezwar g elimeθ, seg elfjer, elwacundiyn ywiyneθ iyδesneθ elwfaHaθ elli HeDDerneθ exDemneθ ywenil. 2 efneθ tγaγet temmeqleb f wenil. 3 umax i δuδefneθ ellufinc ejjeθθeθ nyesuwε. 4 unihenti ettimeθHeyriyn, tay sen δiryazen irDen edbac lemεen bedden ezzeθensneθ. 5 ukkeδneθ TebbeSneθ f elqeεεeθ. ennen iryazendiyn: «imette itHewwemmeθ g elli yedder uggemmes nilemmitte? 6 leHebbac dahen, yekker! esfekkermeθ max i xenyuθley max i ykan g eljliyl. 7 <bnaδem yelzem eyemmuwc yleεbaδ δelγullaĎ, yemmeSleb, usiyn as eθθaleθ eyekker.>» 8 wesfekkerneθ edwiys. 9 max yrewweHneθ seg enil eHkaneθ yetlamδe leHdacdiyn diddiynni elli ySar elkul. 10 ellesmensneθ meryem θemejdeliyθ dyuwwenne dmeryem yemmes nyeεquwb ettiddiynni elli exDemneθ iyδesneθ ennihenti elli eHkaneθ yimersal wahen. 11 ezren edwinsneθ emuxerref wentSedqenc. 12 emme buTrus yekker yezzel ywenil. iTebbeS yezer elkfen yemHuT weHδes, yexDem δimeθεejjeb seg elli ySar.

13 esses ellan sen essisen xDemen ytemuwreθ ellesmes εimwas tebεeδ leqrabeθ neHdac nkiylu f uwrceliym, 14 ukanen Hekken f elli ySar. 15 unihnin Hekken ettemfehamen, yeqreb yetwelinsen yesuwε biyδe yuyuwr iyδsen. 16 emme tiTTewinensen emmireDneθ felles. 17 yenceδten: «f mette iθHekkam uxenyum tegguwrem?» bedden δimkecben. 18 yer felles iyjen essisen, ellesmes kelyuwbas: «endre δcex berk elli tuseδeδ yuwrceliym weltessiync elli ySar δiys g liyyame?» 19 yennasen: «δmette iySar?» erren felles: «elli ySar yyesuwε ennaSri elli ykan δenbi yetged belgde ege dedwi elkul ezzaθ nrebbi dleεbaδ elkul, 20 umax i θuwcin imeqqaren nelkuhhan delHukkemenne yelHkum nujafi dweSlab. 21 emme enkan netteεlex elli nette δeyefδe israYiyl. uzade asse δeθθaleθ seg elli ySar wediyn. 22 ellaneθ elwacun essiyne Heyyerntane, exDemneθ ywenil talji bekri, 23 yaxi ellufinc ejjeθeθes, eseδneθ enneneθ elli zriyneθ elmleyxaθ ennan elli elyuwc yedder. 24 exeDmen lebHaD kanen iyδne ywenil efen emmax i nnaneθ elwacundiyn, emme nette eθezriync.» 25 yennasen: «eyiδerwac elli ulewnennum ettemnenc liyhliyh s elli eHkant lenbye! 26 muc ykan lazem eyεane elmesiyH elwjayeεe usiyn eyaδef g elmejδes?» 27 usiyn yebδe yetfehhem δiysen, elli yemmari felles elkul seg muwse dlenbye elkul. 28 max i θiwDen ytemuwreθ elli sennadiyn netlamδe δesexeDmen, yesuwε yege imenes δeyeθεedde lezzaθ, 29 yaxi mellegnes ennanes: «eqqiym γenne, eddunyeθ εuddi tessulles.» yaδef yeqqiym γersen. 30 max i ygeεmez δeyeč iyδsen, yqam eγrum ibarex, usiyn ikesserθ yezlasen. 31 mirneθ tiTTewinensen exzent, usiyn iraH fellasen. 32 yen iyjen essisen ywissen: «elkanenc ulewnenne etmeHraqen g iδmernenne max i ykan yHekkeyane uggebriδ uyetfesrane g elxθabaθ?» 33 ekkeren g elweqtdiyn eδwlen yuwrceliym, efen etlemδadiyn leHdac delli iyδsen emlaymen, 34 unihnin eqqaren: «mbelHeq, erreb yekker, yeffeγ ysemεan.» 35 eHkenasen sennadiyn elli ySar uggebriδ, umax i θuxzen g ukesser nweγrum.

36 elluciyn Hekken, yesuwε biyδe ibed uggemmesensen yennasen: «esselam εliykum.» 37 wemmerεben essis, εlexaTer etteεlakent δelxyal. 38 yennasen: «ecbiykum treglem? wimette ulewnennum δiysen eccek? 39 erqbeθ ifesniyw dikreεniyw, enneč biyδe, lemmesmiyδ terqbem, elxyal leγrec exsum dixsan emneč.» 40 max i yenne wahen yessexnasen ifesnes dikreεnes. 41 elluciyn elSedqenc seg elferHeθ, uδimeθεejben, yenceδten: «γerwem Haje dahen yweče?» 42 ucnes eTTerf nelHuwθ yemmeHreq, 43 yewiθ yeči ezzeθensen. 44 usiyn yenneyasen: «δwahen edwi elli enniγewemt elweqθelli kane iyδwem: lazem eyekmel kul cey yemmari felle g ecceriyεeθ nmuwse delxθabeθ nlenbye delmzamiyr.» 45 usiyn ymirasen ulewnensen bac e fehmen elxθabaθ, 46 yennasen: «sahen yemmari, elmesiyH yelzem eyeθwejjeε was eθθaleθ eyekker seg inemmitte, 47 usellesmes δeyembeccer ettuwbeθ dusameH neδnuwb g timuwre elkul, uδeyemmebδe seg uwrceliym. 48 uxenyum δeccuhhaδ f elHajaθe. 49 utay δexennezne elli yuεδawem essis dadde, emme eqqiymeθ g temuwreθ elδeθeggez fellawem elquwweθ s lennej.»

50 usiyn igewwetten elberre ntemuwreθ ibiytεenya. yqam ifesnes lennej ibarex δiysen. 51 elyuwc yetbarex δiysen yexDem fellasen yemqam lennej yesme. 52 esjeδnes rewHen yuwrceliym ferHeniyn egget, 53 weqqiymen xeTmen diyme yelHuwc nelqudus etsebHen g rebbi.