1 ମାଦିୟନ୍‌ ଦାରିଆବସନ୍‌ ଆପ୍ରତମୁନ୍‌ ଆ ବର୍ସେଙ୍‌ ଞେନ୍‌ ଆନିନ୍‌ ମନଙ୍‌ ବୋର୍ସାଅନବ୍‌ମେନ୍‌ ଆସନ୍‌ ଏତନଙ୍‌ଲାୟ୍‌ ।

2 ନମି ଞେନ୍‌ ଆଜାଡ଼ିନ୍‌ ଆବର୍ନେ ଏବ୍‌ଜନାବା, ଗିୟ୍‌ବା ପାରସ୍ୟଲୋଙ୍‌ ଆରି ୟାଗିରାଜା ଡୁଙ୍‌ତନାଜି ଡ ଉଞ୍ଜିଲୋଙ୍‌ ଆରାଜା ତି ଅଡ଼୍‌କୋଲୋଙଞ୍ଜି ଆତିକି ଆନିନ୍‌ ଗୋଗୋୟ୍‌ ଗମାଙ୍‌ ଡେତେ; ଆରି ଆନିନ୍‌ ଗମାଙ୍‌ ‌ବୋର୍ସାତେ କି ଗ୍ରିସ୍‌ ରାଜାନ୍‌ ଆବିରୁଡଲୋଙ୍‌ ଅଡ଼୍‌କୋନ୍‌ଞ୍ଜି ବବ୍ବ୍‌ରାବ୍‌ତେ । 3 ତିଲୋଙ୍‌ ଅବୟ୍‌ ବୋର୍ସାରାଜାନ୍‌ ଡୁଙ୍‌ତନାୟ୍‌, ଆନିନ୍‌ ସୋଡ଼ାକାବାଡ଼ାନ୍‌ ବାତ୍ତେ ସାସନତେ ଡ ଆଇସ୍ସୁମନ୍‌ ବୟନ୍‌ ଲୁମ୍‌ତେ । 4 ଆରି ଡୁଙ୍‌ଲନାୟ୍‌ଡେନ୍‌ ଆରାଜ୍ୟନ୍‌ ଅଞିଡ୍‌ତେ ଡ ରୁଆଙନ୍‌ ଉଞ୍ଜିଗଡ୍‌ ବାନ୍ତେତନ୍; ବନ୍‌ଡ ଆବିରିଣ୍ତାନ୍‌ ଆସନ୍‌ ଅଡ଼େ ଆ କାବ୍ବାଡ଼ାନ୍‌ ଆସାସନ୍‌ ଆସନ୍‌ ଅଡ଼େ; ଇନିଆସନ୍‌ ଆନିଞ୍ଜି ତଡ୍‌ ବନ୍‌ଡ ଆନାମରଞ୍ଜି ଆସନ୍‌ ଆରାଜ୍ୟନ୍‌ ଡୁଙ୍‌ତନାୟ୍‌ । 5 ଆରି ଅର୍ଜଡ଼ୋମ୍‌ଗଡ୍‌ ଆଡେସା ମିସର୍‌ ଆରାଜା ବୋର୍ସାତେ ବନ୍‌ଡ ଆସୋଡ଼ାମରଞ୍ଜିଲୋଙ୍‌ ଅବୟ୍‌ନେ ତିଆତେ ଜଗେଲେ ଗୋଗୋୟ୍‌ ବୋର୍ସାଡାଲେ ସାସନଏନ୍‌; ଆରାଜ୍ୟନ୍‌ ଅବୟ୍‌ ସୋଡ଼ା ରାଜ୍ୟନ୍‌ ଡେତେ । 6 ବନ୍‌ଡ ଅସୋୟ୍‌ ବର୍ସେଙ୍‌ ଆତିକି ଆନିଞ୍ଜି ତର୍ଡମ୍‌ ମାୟ୍‌ମାୟ୍‌ତଞ୍ଜି ଆରି ଅର୍ଜଡ଼ୋମ୍‌ଗଡ୍‌ ଆଡେସା ମିସର୍‌ ଡେସାନ୍‌ ଆ ରାଜା ସିରିଆ ରାଜାନ୍‌ ଆମଙ୍‌ ଜିର୍ରାୟ୍‌ ଡେସାନ୍‌ ଆ ରାଜା ବୟନ୍‌ ଅବୟ୍‌ ସିବ୍‌ଡେୟ୍‌ବରନ୍‌ ଗବ୍‌ରିଡାଲେ ମାୟ୍‌ମାୟ୍‌ତଞ୍ଜି, ଆରି ଆ ଡାଙ୍ଗଡ଼ିଅନନ୍‌ ସିରିଆ ଡେସାନ୍‌ ଆ ରାଜା ବୟନ୍‌ ; ବନ୍‌ଡ ତି ସିବ୍‌ଡେୟ୍‌ବରନ୍‌ ଗୋଗୋୟ୍‌ ଡିନ୍ନା ଅଃଡ୍ଡକୋନେ, ଆନିନ୍‌ ଆ ଅୟ୍‌ତବନ୍‌, ଆ ପସିଜନ୍‌ ଡ ଆନିନ୍‌ ସରିନ୍‌ ମାୟ୍‌ ଆଜିର୍ରାଞ୍ଜି ଆ କମ୍ୱାରିଜି ନିୟ୍‌ ରବ୍ବୁଆୟ୍‌ତଜି । 7 ବନ୍‌ଡ 8 ଆରି ଆନିଞ୍ଜି କୋଙ୍‌ଣ୍ତାୟ୍‌ ବୟନ୍‌ ଆନିଞ୍ଜି ସନୁମନ ବନ୍ଦିସିଂନ୍‌ ରୁପାନ୍‌ ଡ ସୁନାନ୍‌ ଆସିମ୍ମା ବୟନ୍‌ ମିସର୍‌ଡେସାନ୍‌ ପାଙ୍‌ଲେଜିର୍ରତେ ଡ ଆନିନ୍‌ ଲାଙ୍‌ଲେ ବର୍ସେଙ୍‌ଜାୟ୍‌ ଅର୍କାବଡ଼ି ଡେସାଗଡ୍‌ ଆରାଜା ସିଲଡ୍‌ ଆମ୍‌ରେଙ୍‌ତେ । 9 ଆରି ଆନିନ୍‌ ଅର୍ଜଡୋମ୍‌ଗଡ୍‌ ଆଡେସା ରାଜାନ୍‌ ଆରାଜ୍ୟ ଜିର୍ରତାୟ୍, ବନ୍‌ଡ ଆନିନ୍‌ ଆଡେସାନ୍‌ ଜିର୍ରତନେ । 10 ଆଡାଙ୍ଗଡାଅନଞ୍ଜି ଜୁଜତଞ୍ଜି ଡ ସୋଡ଼ା ସିପାଇଞ୍ଜି ରୁକୁତେ, ଆନିଞ୍ଜି ଜିର୍ରେ ଗୋଗୋୟ୍‌ ତୁମ୍‌ପାଙ୍‌ତଜି; ଆରି ଆନିଞ୍ଜି ୟର୍ରନ୍‌ ଆଦୁର୍ଗନ୍‌ ଜାୟ୍‌ ଜୁଜୁତଞ୍ଜି । 11 ତିଲୋଙ୍‌ ଅର୍ଜଡ଼ୋମ୍‌ଗଡ୍‌ ମିସର୍‌ଡେସାନ୍‌ ଆରାଜା ବର୍ରାବଡାଲେ ଅର୍କାବଡ଼ିଗଡ୍‌ ଆଡେସା ଆରାଜା ଆବିରୁଡଲୋଙ୍‌ ଜୁଜୁତଞ୍ଜି; ତିଲୋଙ୍‌ ଆନିନ୍‌ ଅର୍କଡାବି ଡେସାଗଡ୍‌ ଆରାଜା ଗୋଗୋୟ୍‌ ମନ୍‌ଡ୍ରାନ୍‌ ସାୟ୍‌ତେ, ବନ୍‌ଡ ତି ଆମନ୍‌ଡ୍ରାଜି ଅର୍ଜଡୋମ୍‌ ଡେସାଗଡ୍‌ ଆରାଜା ଆସିଂଲୋଙ୍‌ ଡେତଜି । 12 ଆରି ତି ଆମଡ୍ରାଞ୍ଜି ଡୁଲଞ୍ଜି, ଆଚିତନ୍‌ ଗର୍ବଲନ୍‌ ଡ ଆନିନ୍‌ ଅୟୁତ ଅୟୁତ ମନ୍‌ଡ୍ରାନ୍‌ ରବ୍ବୁତେ; ଡେଲୋଜନଙ୍‌ଡେନ୍‌ ଆନିନ୍‌ ଅଃଜ୍ଜିନୟେ । 13 ଆରି ସିରିୟାନ୍‌ ଡେସାନ୍‌ ଆରାଜା ଆୟର୍ରନେ ଆତିକି ଅବୟ୍‌ ସୋଡ଼ା ମନ୍‌ଡ୍ରାନ୍‌ ରୁକୁଲେ ଡକୋଏନ୍‌; ଆରି ଜୁଗାନ୍‌ ଆଗ୍ରାମ୍‌ଗାମ୍‌, ନମି ଆସ୍‌ନେସ୍‌ ସୋଡ଼ା ସିପାଇଞ୍ଜି ଆଜନବ୍‌ଜି ପାଙ୍‌ଲେ ଜିର୍ରାୟ୍‌ବା । 14 ତି ଆଡିନ୍ନାଇଙ୍‌ ଲାଙ୍‌ଲେନେ ମନ୍‌ଡ୍ରାନ୍‌ ଅର୍ଜଡୋମ୍‌ ଡେସାଗଡ୍‌ ରାଜାନ୍‌ ଆବିରୁଡଲୋଙ୍‌ ତନଙ୍‌ତଜି; ମନ୍‌ଡ୍ରାବେଞ୍ଜିଲୋଙ୍‌ ପେଲ୍ଲାମରଞ୍ଜି ଆଡାଙ୍ଗଡାଅନ୍‌ କେନ୍‌ ଆତନାଲ୍‌ମଡ୍‌ ଡେଏତୁମାଗାମ୍‌ଲେ ଆମ୍ୱେଞ୍ଜି ତେକ୍କେତମ୍‌; ବନ୍‌ଡ ଆନିଞ୍ଜି ଅଞିଡ୍‌ତଜି। 15 କେନ୍‌ ଅନ୍ତମ୍‌ ସିରିଆ ଡେସାନ୍‌ ରାଜାନ୍‌ ଜିର୍ରତାୟ୍‌ ଡ ରଡୋଡଙ୍‌ଡଙ୍‌ଡାଲେ ଗଡ଼ାନ୍‌ ଆସିଂଲୋଙନ୍‌ ଡକୋତନ୍‌; ତିଲୋଙ୍‌ ଅର୍ଜଡ଼ୋମ୍‌ ଡେସାଗଡ୍‌ ସାଜମରଞ୍ଜି ଡ ଇସୁମ୍‌ମରଞ୍ଜି ବର୍ରନ୍‌ ଅର୍ରପ୍ତିତିଏଜି; ଅଡ଼େ ଡନଙ୍‌ନେନ୍‌ ଆସନ୍‌ ଇନ୍ନିଙ୍‌ଜା ଆ ବୋର୍ସା ଅଃଡ୍ଡକୋନେ । 16 ବନ୍‌ଡ ଆବିରୁଡଲୋଙନ୍‌ ଆନା ଜିର୍ରତାୟ୍‌, ଆନିନ୍‌ ଆଇସ୍ସୁମନ୍‌ ବାତ୍ତେ କାବ୍ବାଡ଼ାତନ୍‌ ଡ ଆମୁକ୍କାବାନ୍‌ ଆନ୍ନିଙ୍‌ ତନଙ୍‌ଲେ ଅଃର୍ରପ୍ତିଏଜି; ଆରି ଆନି ରମ୍ୟ ଇସ୍ରାଏଲନ୍‌ ଡେସାନ୍‌ ତନଙ୍‌ତେ ଡ ଆସିଂଲୋଙନ୍‌ ରବ୍ବୁତେ ଗୁରୁଡ୍ଡେତେ । 17 ଆରି ଆନିନ୍‌ ଅଡ଼୍‌କୋନ୍‌ ଆରାଜ୍ୟ ଆବର୍ସାନ୍‌ ବୟନ୍‌ ଜନିରନ୍‌ ଆସନ୍‌ ଆମନଲୋଙନ୍‌ ଇସ୍ସୁମେନ୍‌ ଡ ଲବାଡିମରଞ୍ଜି ସରିନ୍‌ ଆନିନ୍‌ ଜିର୍ରତାଜି; ଆଇସ୍ସୁମନ୍‌ବୟନ୍‌ କାବ୍ବାଡ଼ାନ୍‌ ଲୁମ୍‌ତେ; ଆନିନ୍‌ ଅନବ୍‌ଗୁରୁଡ୍ଡେନ୍‌ ଆଇମରଞ୍ଜି ଆନନ୍‌ ତିୟ୍‌ତେ; ବନ୍‌ଡ ଆଇବଜନ୍‌ ଗବ୍‌ରିଲନ୍‌ ଡକୋନେ, ଅଡ଼େ ଆନିନ୍‌ ଆସନ୍‌ ଅଃଡ୍ଡେଏ । 18 କେନ୍‌ ସିଲଡ୍‌ ଆନିନ୍‌ ମଡିସମେଡ୍ରାମରଞ୍ଜି ଆବିରୁଡଲୋଙ୍‌ ଜିର୍ରେ ଗୋଗୋନେ ଆସିଂଲୋଙନ୍‌ ପାଙ୍‌ତାୟ୍‌; ବନ୍‌ଡ ଅବୟ୍‌ ସୋଡ଼ାମର୍‌ ଆନିନ୍‌ ଗବ୍‌ରୟ୍‌ତେ; ବନ୍‌ଡ ଆରି ଗନବ୍‌ରଜନ୍‌ ଆତୁଣ୍ତୁନ୍‌ ଏମ୍ମେତେ । 19 ତିଲୋଙ୍‌ ଆନିନ୍‌ ଆଡେସାଲୋଙନ୍‌ ଆସନୁମଞ୍ଜି ଅଡ଼୍‌କୋନ୍‌ ଆମଙ୍‌ବାନ୍‌ ୟର୍ତନାଜି; ବନ୍‌ଡ ଆନିନ୍‌ ତୁବ୍‌ଡୁବ୍‌ଲେ ଅସେତ୍ତେ; ଆରି ଆନିନ୍‌ ଅଃଗିୟ୍‌ତାଏ । 20 କେନ୍‌ ସିଲଡ୍‌ ଅଙ୍ଗା ମନ୍‌ରା ଆତଲଜଙ୍‌ଲୋଙନ୍‌ ଡେତଜି, ଆନିଞ୍ଜି ରାଜ୍ୟନ୍‌ ସୋବାଲୋଙ୍‌ ଜାଗାନ୍‌ ବାତ୍ତେ ଜନିରନ୍‌ ଆସନ୍‌ ଅବୟ୍‌ନେ ପ୍ରଜାପିଡକନ୍‌ ପଟାୟ୍‌ତା; ବନ୍‌ଡ ଅସୁୟ୍‌ଡିନ୍ନାଲୋଙନ୍‌ ଆନିନ୍‌ ଗୁରୁଡ୍ଡେତେ, ବନ୍‌ଡ ବନ୍‌ର୍ରାବନ୍‌ ବୟନ୍‌ତଡ୍‌, ଅଡ଼େ ଜୁଜଲୋଙନ୍‌ ତଡ୍‌ ।

21 ଆରି ଆନିଞ୍ଜି ଆନା ରାଜା ଗାମ୍‌ଲେ ଅମାନ୍ନେଲଜି, ଏନେଲେ ଅବୟ୍‌ ଏର୍‌ମଡ଼ିର୍‌ ମର୍ରନ୍‌ ତିଆତେ ଞାଙ୍‌ତେ; ବନ୍‌ଡ ଆନିନ୍‌ ଆଜାଡ଼ିନ୍‌ ଆଡିନ୍ନାଇଙ୍‌ ଜିର୍ରତାୟ୍‌ ଡ କଣ୍ତାୟ୍‌ବର୍ରନ୍‌ ବାତ୍ତେ ରାଜ୍ୟନ୍‌ ଞାଙତେ । 22 ଆରି ପାଙ୍‌ଡାଡାନ୍‌ ଅନ୍ତମ୍‌ ସିପାଇଞ୍ଜି ଆଦଡ଼ ବୟନ୍‌ ଆମୁକ୍କାଲୋଙ୍‌ ପାଙ୍‌ଡାତଜି ଡ ଲଗଡ୍‌ତେ; ଓ ଅନସଜନ୍‌ ଆସୋଡ଼ାମର୍ରନିୟ୍‌ ଲଗଡ୍‌ତେ । 23 ଆରି ଆବର୍ନେନ୍‌ ଗବ୍‌ରିଡାଲେ ତିକ୍କି ଆନିନ୍‌ କଣ୍ତାୟ୍‌ଲେ କାବ୍ବାଡ଼ାନ୍‌ ଲୁମ୍‌ତେ; ଇନିଆସନ୍‌ ଆନିନ୍‌ ଅସୋୟ୍‌ ମନ୍‌ଡ୍ରାନ୍‌ ବାତ୍ତେ ସୋଡ଼ାଡେତେ । 24 ଆନିନ୍‌ ତେତେନ୍‌ ଆଡିନ୍ନାଇଙ୍‌ ଡେସାନ୍‌ ମନଙ୍‌ ଆଜାଗାଲୋଙ୍‌ ଗନ୍ନ୍‌ତେ ଡ ଆପ୍ପେୟନ୍‌ ଡ ଆପାଞ୍ଜି ଇନି ଅଲୁମ୍‌ଲଜି, ତିଆତେ ଆନିନ୍‌ ଲୁମ୍‌ତେ; ଆନିଞ୍ଜିଲୋଙ୍‌ ଆଜନବନଜି ରୁଜାୟ୍‌ତଜି ଡ କାଜ୍ଜାନ୍‌ ଆଜନବ୍‌ଜି ଡ ଆନର୍ରଜେଞ୍ଜି ବୁର୍‌ବୁର୍‌ତେ ଡ ଅଡ଼୍‌କୋନ୍‌ ଆବିରୁଡଲୋଙ୍‌ ରଡ଼ୋ ଅସୋୟଜାକିୟ୍‌ କଡ଼ନ୍‌ ଅନିଃୟମନ୍‌ ଡେତେ । 25 ଆରି ଆନିନ୍‌ ସୋଡ଼ା ସିପାଇଞ୍ଜିଆଦଡ଼ ଓରୋଙେନ୍‌ ଅର୍କାବଡ଼ିଗଡ୍‌ ଆଡେସା ରାଜାନ୍‌ ଆବିରୁଡଲୋଙ୍‌ ଆ ବୋର୍ସାନ୍‌ ଅବ୍‌ତୁୟତନ୍‌; ତିଲୋଙ୍‌ ଅର୍କାବଡ଼ିଗଡ୍‌ ଆଡେସା ଗୋଗୋୟ୍‌ ସୋଡ଼ା ଡ ଆସିପାଇଞ୍ଜି ପାଙ୍‌ଲେ ଆନିନ୍‌ ବୟନ୍‌ ଜୁଜତନ୍‌; ବନ୍‌ଡ ଆନିନ୍‌ ଗବ୍‌ରିଲନ୍‌ ଅଃଡ୍ଡକୋନେ; ଇନିଆସନ୍‌ ଆନିଞ୍ଜି ଆବିରୁଡଲୋଙନ୍‌ ଆନା କଡ଼ନ୍‌ ଇୟ୍‌ମେଞ୍ଜି । 26 ଆନାଜି ଆଞୁମ୍‌ଲୋଙ୍‌ଞ୍ଜି ଗାଗାତଞ୍ଜି, ଆନିଞ୍ଜି ଆଡଙ୍‌ ଅବ୍‌ଗୁରୁଡ୍ଡେତେ,ଆରି ଆସିପାଇଞ୍ଜି ରବୁତଜି ଡ ଲାଙଲେନେ ପାରାଲେ ଡକୋତଞ୍ଜି । 27 ଆରି କେନ୍‌ ବାଗୁ ରାଜାନ୍‌ ରମ୍ମଙ୍‌ ରମ୍ମଙ୍‌ ରନ୍‌ବୁନ୍‌ ଆସନ୍‌ ଏରେଞ୍ଜିଗୋଜେଞ୍ଜି ଡ ଆନିଞ୍ଜି ଅବୟ୍‌ ତନମ୍ପିଲଲୋଙ୍‌ ତୁତୁମ୍‌ଲେ କଣ୍ତାୟ୍‌ବର୍ରନ୍‌ ବର୍ରତଞ୍ଜି, ବନ୍‌ଡ ତିଆତେ ଆଜାଡ଼ିନ୍‌ ଅଡ଼େ; ଇନିଆସନ୍‌ ତିଆଡିଡ୍‌ ତୁମ୍‌ ଅନବ୍‌ଞିଡନ୍‌ ଆସନ୍‌ ଜଗେଲେ ସେତ୍ତେ । 28 ତିଆଡିନ୍‌ ଆନିନ୍‌ ଗୋଗୋୟ୍‌ ଆନର୍ଜେନ୍‌ ଞମ୍‌ଲେ ଆଡେସାନ୍‌ ୟର୍ରତନେ ଡ ଆଚିତନ୍‌ ମଡ଼ିର୍‌ ଆନସଜଞ୍ଜି ଆଜଅଡେତେ; ଆରି ଆନିନ୍‌ ଡମ୍‌ ଗାମ୍‌ଡନ୍‌ଲନ୍‌ କାବ୍ବାଡ଼ାନ୍‌ ଲୁମ୍‌ଲେ ଆଡେସାନ୍‌ ଜିର୍ରେତେ । 29 ଆରି ଆଗବ୍‌ରିନ୍‌ଆଡିନ୍ନାଇଙନ୍‌ ଆନିନ୍‌ ଅର୍ଜଡୋମ୍‌ଡେସାଗଡ୍‌ ଗନ୍‌ନ୍ତନେ; ବନ୍‌ଡ ପୁର୍ବାଃନ୍‌ ଆଡିନ୍ନାଇଙ୍‌ ଏଙ୍ଗାଲେ ଡକୋଏନ୍‌, ତିକ୍କି ଡିନ୍ନାଇଙନ୍‌ ତିଅନ୍ତମ୍‌ ଅଡେ । 30 ଇନିଆସନ୍‌ କିତିମନ୍‌ ଜାଜ୍ଜ୍‌ଲୋଙନ୍‌ ଅଡ଼୍‌କୋଞ୍ଜି ଆବିରୁଡଲୋଙନ୍‌ ଜିର୍ରତାଜି, କେନ୍‌ ଆସନ୍‌ ଆନିନ୍‌ ଡୁକାଡାଲନ୍‌ ୟର୍ରତନ୍‌ ଡ ମଡ଼ିର୍‌ ଆନସୟନ୍‌ ଆଡଙ୍‌ ବବ୍‌ରାବ୍‌ଲେ ଆନିନ୍‌ଡମ୍‌ କାବ୍ବାଡ଼ାତନ୍‌; ଆନିନ୍‌ ୟର୍ରତନେ ଡ ମଡ଼ିର୍‌ ଅନଗଡ୍‌ ମରଞ୍ଜି ଆଡଙ୍‌ ଅମ୍‌ଡଙ୍‌ତଜି । 31 ଆରି ଆମଙ୍‌ଗଡନ୍‌ ଆସିପାଇଜି ମଣ୍ତିରରେଙନ୍‌ ଡୋତଞ୍ଜି, ଆଗ୍ରମ୍‌ଗାମ୍‌ ଦୁର୍ଗନ୍‌ ମନଙ୍‌ ତଡ୍‌ ଅମ୍ମେତଜି ଡ ଆଏଡ଼ର୍‌ ୟୁମତଜି, ଆରି ଅଡ଼୍‌କୋନ୍‌ ଆଗୁରୁଡେତେନ୍‌ ମନଙ୍‌ତଡନ୍‌ ଆଜନବ୍‌ଜି ତୁବ୍‌ତଜି । 32 ଆରି ଆନାଜି ଅନସଜନ୍‌ ଅମାନ୍ନେଜି ଆନିଞ୍ଜି କଣ୍ତାୟ୍‌ବର୍ରନ୍‌ ବର୍ରେ ଆନିଞ୍ଜି ଆନାଗଡ୍‌ ଅମ୍ମେତେ; ବନ୍‌ଡ ଅଙ୍ଗା ମନ୍‌ରାଜି ରମ୍ମଙ୍‌ ଇସ୍ୱରନ୍‌ ଜନାଜି,ଆନିଞ୍ଜି ବୋର୍ସାମର୍ର ଡେତେ ଡ ସାନିଆ କାବ୍ବାଡ଼ାତଞ୍ଜି । 33 ଆରି ମନ୍‌ଡ୍ରାଲୋଙନ୍‌ ନିୟ୍‌ ବୁଡ଼ିମରଞ୍ଜି ଲାଙ୍‌ଲେନେ ଞନଙନ୍‌ତିୟ୍‌ତଜି; ଏଲେଜାକିୟ୍‌ ଡେନ୍‌ ଲାଙ୍‌ଲେ ଡିନ୍ନାଜାୟ୍‌ ଆନିଞ୍ଜି ଗଣ୍ତାନ୍‌, ଆଉଲାଙ୍‌ତୋଡନ୍‌, ବଣ୍ତିସିଂଲୋଙନ୍‌ ସିଲଡ୍‌ ରୁୟ୍‌ଲେ ଅବ୍‌ଞିତଜି । 34 ତିଆଡିଡ୍‌ ଆନିଞ୍ଜି ଅଞିଡ୍‌ତଜି ଅସୋୟ୍‌ ସନାୟୁମନ୍‌ ଞାଙ୍‌ତଜି; ବନ୍‌ଡ ଲାଙଲେନେ କଣ୍ତାୟ୍‌ବର୍ରନ୍‌ ବୟ୍‌ନ ଆନିଞ୍ଜି ବୟନ ମାୟ୍‌ତଞ୍ଜି । 35 ଆରି ଆନିଞ୍ଜିଲୋଙ୍‌ ବୁଡ଼ିମରଞ୍ଜି ଆନିଞ୍ଜି ମନଙ୍‌, ମନଙ୍‌ ଅନମ୍ମେନ୍‌ ଆସନ୍‌ ତନିୟ୍‌ଇଙନ୍‌ ଆନିଞ୍ଜି ତୁବ୍‌ଡୁବ୍‌ତଜି; ଇନିଆସନ୍‌ ତିଆତେ ଆଗବ୍‌ରିଡିନ୍ନାଇଙନ୍‌ ଜଗେଲେ ସେତ୍ତେ । 36 ଆରି ରାଜା ଆଇସ୍ସୁମନ୍‌ ବାତ୍ତେ କାବ୍ବାଡ଼ାତନ୍‌ ଡ ଅଡ଼୍‌କୋନ୍‌ ଆସନୁମ୍‌ ଆତିକି ଆନିନ୍‌ ସୋଡ଼ାଡମ୍‌ ଗାମ୍‌ଲେ ବର୍ରଡମ୍‌ତନ୍‌, ଆରି ଇସ୍ୱରନ୍‌ ଆବିରୁଡଲୋଙନ୍‌ ବରନ୍‌ନ୍ତଙନ୍‌ ଆବର୍ନେ ବର୍ରତନେ ଡ ବନ୍‌ଡ୍ରାବନ୍‌ ଆଜାଡ଼ିନ୍‌ଡନେନ୍‌ ଜାୟ୍‌ ଗୋଗୋୟତେ; ଇନିଆସନ୍‌ ଇନି ଗବ୍‌ରିତଜି ତିଆତେ ଲୁମ୍‌ତଜି । 37 ଆନିନ୍‌ ପୁର୍ବାଃ ଜୋଜୋଲେଞ୍ଜି ଆସନୁମଞ୍ଜି ଆମାନେ; ଅଡ଼େ ଆଇବଜଞ୍ଜି ଆବର୍ନେ ଅମ୍ମାନେ ଇନ୍ନିଙ୍‌ଜା ଆ ସନୁମ ଅମ୍ମାନେ; ଇନିଆସନ୍‌ଗାମେଣ୍ଡେନ୍‌ ଆନିନ୍‌ ଅଡ଼୍‌କୋଞ୍ଜି ଆତିକିଲୋଙ୍‌ ଞେନ୍‌ ତୁମ୍‌ ସୋଡ଼ା ଗାମ୍‌ଡମ୍‌ତନ୍‌ । 38 ବନ୍‌ଡ ଆଜାଗାଲୋଙନ୍‌ ଆନିନ୍‌ ଅବୟ୍‌ ଦୁର୍ଗ ସନୁମନ୍‌ ମାନ୍ନେତେ ଡ ପୂର୍ବାନ୍‌ଆବାପାଞ୍ଜି ଆବନାୟ୍‌ ସନୁମଞ୍ଜି ସୁନାନ୍‌, ରୁପାନ୍‌, ଗୋଗୋୟ୍‌ ତଙ୍ଗାନ୍‌ ଆରେଙ୍‌ ଡ ମନାଡାଗୋ ଆଜନବ୍‌ଜି ତିୟ୍‌ଲେ ଆନିନ୍‌ ମାନ୍ନେତେ । 39 ଆରି ଆନିନ୍‌ ଆନାଡେସାନ୍‌ ଆ ସନୁମ ସଆଜଲେ ରଡୋ ଦିର୍ଗନ୍‌ ଆଡଙ୍‌ କାବ୍ବାଡ଼ାତନ୍‌, ଆନାଜାକ୍କିୟ୍‌ ଆନିନ୍‌ ବର୍ରତେ, ଆନିନ୍‌ ଆସନ୍‌ ପନେମେଙନ୍‌ ଅବ୍‌ଗୋଗୋୟ୍‌ତେ ଡ ଗୋଗୋନେ ଲୋଙନ୍‌ ଆନିଞ୍ଜି ତୁମ୍‌ ଡକୋନେନ୍‌ ତିୟ୍‌ତେ ଡ ପାରିତୋସିତନ୍‌ ଅନ୍ତମ୍‌ ଲବନ୍‌ ଅବ୍‌ନାନ୍ନାତେ । 40 ଆରି ଆସ୍‌ନେସ ଡିନ୍ନାଇଙନ୍‌ ଜାୟ୍‌ ଅର୍ଜଡୋମ୍‌ଗଡ୍‌ ଆସେଡା ରାଜାନ୍‌ ବୟନ୍‌ ବିରୁଡତନ୍‌ ଡ ଅର୍କାବଡ଼ିଗଡ୍‌ ଆସେଡା ରାଜାନ୍‌ ରତଲୋଙନ୍, ଗୋଡ଼ାଗାଡ଼ିମର୍ରନ୍‌ ଡ ଲାଙ୍‌ଲେନେ ଜାଜ୍ଜଲୋଙନ୍‌ ପାଙ୍‌ଲେ ଆବିରୁଡଲୋଙନ୍‌ ପନ୍‌ଡେନ୍‌ଆରିଙ୍ଗେ ଅନ୍ତମ୍‌ ଜିର୍ରତାୟ୍‌ ଡ ଆନିନ୍‌ ଆନା ଆନା ଡେସାଲୋଙନ୍‌ ନିୟ୍‌ ଗନ୍‌ଲେ ଗୋଗୋୟ୍‌ଲେ ଡାଆନ୍‌ତୁମ୍‌ ଅମ୍ମେଲେ ବରୟ୍‌ଲେ ଜିର୍ରତେ । 41 ଆନିନ୍‌ ନିୟ୍‌ ମନଙ୍‌ ଡେସାନ୍‌ ଗନ୍‌ନ୍ତନେ, ତିଲୋଙ୍‌ ଗୋଗୋୟ୍‌ ଡେସାନ୍‌ ଆରେତଜି; ବନ୍‌ଡ ଇଦୋମନ୍‌ ଡ ମୋୟାବନ୍‌ ଆରି ଅମ୍ମୋନ ଆମର୍ରାଜି ଆସିଲୋଙ ଡନୋବ୍‌ଡୁବନ୍‌ ଞାତଜି । 42 ଆରି ଆନିନ୍‌ ଆନା ଆଡେସାଲୋଙ ଆସିଂନ୍‌ ଉର୍ରାତେ ଡ ମିସର୍‌ ଡେସାନ୍‌ ଡନୋବ୍‌ଡୋବନ୍‌ ଅଃଞାଙେ । 43 ବନ୍‌ଡ ମିସର୍‌ ଆସୁନା ଡ ରୁପାନ୍‌ ଆଡ୍ରକ୍କୋ ଅଡ଼୍‌କୋରେଙନ୍‌ ଗୋଗୋୟ୍‌ ତଙ୍ଗାନ୍‌ ଡ ଅଡ଼୍‌କୋନ୍‌ ଆଜନବ୍‌ଜି ଆସିଂଲୋଙନ୍‌ ଡେତେ; ଆରି ଲୁବିୟ୍‌ ଡ କୁସମରଞ୍ଜି ଅନ୍ତମ୍‌ ଡକୋତଞ୍ଜି । 44 ବନ୍‌ଡ ବରୁବ୍‌ୟୋଙ୍‌ ଡ ଡରୁଙ୍‌ୟୋଙ୍‌ ଡେସାସିଲଡ୍‌ ଆଜିର୍ରତାଞନ୍‌ ଆବର୍ନେଜି ତିଆତେ ଅମ୍‌ଡଙ୍‌ଲେ ବବ୍‌ତଙାତେ; ତିଲୋଙ ଲାଙ୍‌ଲେନେ ଆନ୍ନାତଞ୍ଜି ଡ ମେଡ୍ରନ୍‌ ରନ୍‌ବୁନ୍‌ ଆସନ୍‌ ବନ୍‌ଡ୍ରାବନ୍‌ ବୟନ୍‌ ଜିର୍ରତେ । 45 ଆରି ଆନିନ୍‌ ସମେଁଙଡ୍ରାନ ଡ ମନଙ୍‌ ମଡ଼ିର୍‌ ବରୁନ୍‌ନିୟ୍‌ ରାଓଡ଼ାଞ୍ଜି ଆତମ୍ୱୁସିଂ ତୁବ୍‌ତେ; ଏଲେଜାକିୟ ଡେନ୍‌ ରନବୁନ୍‌ ଅୟମ୍‌ ତୁୟାଲାୟ୍‌, ଆରି ଆନ୍ନିଙ୍‌ ଆନିନ୍‌ ସାୟ୍‌ଲେ ଅଃର୍ରପ୍ତିଏଜି ।