1 ମାଦିୟନ୍‌ ଆବିରିଣ୍ତା ଅକେସ୍ୱରସନ୍‌ ଆ ଅନ୍‌ ଦାରିଆବସନ୍‌ କଲ୍‌ଦିୟନ୍‌ ରାଜ୍ୟଲୋଙ ରାଜା ଡକୋଏନ୍‌, କେନ୍‌ ଆତେ ଆପ୍ରତମୁନ୍‌ ଆବର୍ରସେଙ୍‌ । 2 ଆସାସନ ଡିନ୍ନାଇଙନ୍‌ ଆପ୍ରତମୁନ୍‌ ବର୍ସେଙଲୋଙ୍‌ ଞେନ୍‌ ଦାନିଏଲ, ସାସ୍ତ୍ରନ୍‌ ବାତ୍ତେ ଡନିଡିନ୍‌, ଆଗ୍ରାମ୍‌ଗାମ୍‌, ଜିରୁସାଲମନ୍‌ ଆନ୍ନା ଆଡ୍ରେନ୍‌ ଆଡିନ୍ନାଇଙ୍‌ ୟାକୁଡ଼ି ଦସ ବର୍ସେଙ୍‌ ଆଡ୍ରେନ୍‌ ଆଡିଡ୍‌ ପ୍ରବୁନ୍‌ ଅଙ୍ଗା ଆବାକ୍ୟ ଜିରିମିୟ୍‌ ପୁର୍ବାଃତେ ବର୍ରନେମର୍ରନ୍‌ ଆମଙ୍‌ ଡକୋଲନ୍, ଞେନ୍‌ ଆତେ ଜନାଲିଁୟ୍‌ । 3 ତିଆସନ୍‌ ଞେନ୍‌ ଅଃଗାଗାଲନାୟ୍‌, ଅକ୍କାନ୍‌ ରଲନାୟ୍‌ ଡ ବସ୍ମ ଲେପ ଡାଲେ ପ୍ରାର୍ତନା ଡ ୟେୟେଡାନ୍‌ ବାତ୍ତେ ପ୍ରବୁନ୍‌ ଆଡଙ୍‌ ସାୟ୍‌ଲେ ଗିୟ୍‌ଲାୟ୍‌ । 4 ଞେନ୍‌ ପ୍ରବୁନ୍‌ ଆମଙ୍‌ ପ୍ରାର୍ତନାଲନାୟ୍‌ ଡ ଇର୍ସେକାବାଡ଼ାଞେନ୍‌ ବର୍ରନାୟ୍‌, ଏ ପ୍ରବୁ ଆମନ୍‌ ସୋଡ଼ା ଡ ବର୍ରନ୍‌ତଙନ୍‌ ଆ ଇସ୍ୱରନ୍‌, ଆନାଜି ଆମନ୍‌ ଡନୁଙ୍‌ୟମ୍‌ତଜି ଡ ବନାୟନ୍‌ ଅମ୍‌ଡଙ୍‌ତଜି ଆମନ୍‌ ଆନିଞ୍ଜି ଆଡଙ୍‌ ବନାଁୟ୍‌ବରନ୍‌ ଡ କାନ୍‌କାରମ୍‌ ଗାମ୍‌ଲେ ଡୋବ୍‌ତେ ।

5 "ଇନ୍‌ଲେଞ୍ଜି ଇର୍ସେନ୍‌ ଡ ପରାନ୍‌ସାତ୍ତିନ୍‌ ଆକାବାଡ଼ା ବିଦ୍ରୋଇ ଡେତାୟ୍, ଆରି ବନାଁୟ୍‌ବରଜି ଡ ସାସନବେନ୍‌ ଆତଙର୍‌ ଏଅମ୍‌ରେଙ୍‌ଲାୟ୍‌ । 6 ପୁର୍ବାତ୍ତେବର୍ରନେମରଞ୍ଜି ଡ ରାଜାଲେଞ୍ଜି, ସୋଡ଼ାମରଞ୍ଜି, ପୁର୍ବାଃ ଜୋଜୋଲେଞ୍ଜି ଡ ଅଡ଼୍‌କୋ ଡେସାବାଜି ଅଞୁମ୍‌ଲୋଙ୍‌ନମ୍‌ ତୁମ୍‌ ବର୍ରଞ୍ଜି, ଆବର୍ନେଞ୍ଜି ଞେନ୍‌ ଏନମ୍‌ଡଙ୍‌ଲାୟ୍‌ । 7 ଏ ଡରମ୍ମର୍ର ପ୍ରବୁ ଆମନ୍‌ତୁମ୍‌, ବନ୍‌ଡ ନମିଜି ଆପଞ୍ଚୁଆତି ଗନନ୍‌ରୟ୍‌ଡାନ୍‌; ବିରୁଡଲୋଙ୍‌ନମ୍‌ ଆଜାଡ଼ିନ୍‌ ଅମ୍ମାନେଞ୍ଜି ଜିଉଦା ମରଞ୍ଜି ଡ ଜିରୁସାଲମ୍‌ ଆଡେସାବାଜି ଡ ଆମନ୍‌ ବାତ୍ତେ ଡୁକାନ୍‌ ଆଞରାଙ୍‌ଞେଞ୍ଜି ଅନେଙ୍‌ ଡେସାନ ଡ ସଙାୟ୍‌ ଅଡ଼୍‌କୋ ଇସ୍ରାଏଲ୍‌ ଡେସାମରଞ୍ଜି ଗନନ୍‌ରୟଡାନ୍‌ । 8 ଏ ସଦାପ୍ରବୁ ମୁକାଲେନ୍‌ ଗନୟ୍‌ରୟଡାନ୍‌ ଡେତେ, ରାଜାଲେନ୍‌ଞ୍ଜି, ସୋଡ଼ାମରଞ୍ଜି ଡ ପୁର୍ବାଃ ଜୋଜୋଲେଞ୍ଜି ଡେତେ, ଇନିଆସନ୍‌ ବିରୋଡଲୋଙ୍‌ନମ୍‌ ଇନ୍‌ଲେଞ୍ଜି ଇର୍ସେନ୍‌ ଏଲୁମ୍‌ଲାୟ୍‌ । 9 ସନାୟୁମନ୍‌ ଡ କେମାନ୍‌ ପ୍ରବୁ ଆମନ୍‌; ଇନିଆସନ୍‌ ବିରୁଡଲୋଙନମ୍‌ ଞେନ୍‌ ପରାନ୍‌ସାତ୍ତିନ୍‌ ଆକାବାଡ଼ା ଏଲୁମ୍‌ଲାୟ୍‌ 10 ଆନିନ୍‌ ପୁର୍ବାତେବର୍ରନେମରଞ୍ଜି ବାତ୍ତେ ଆମନ୍‌ ଅଙ୍ଗା ବନାଁୟ୍‌ବରନ୍ ଅଡ଼୍‌କୋନ୍‌ ମୁକାଲୋଙଲେନ୍‌ ଡକୋଏନ୍‌, ତି ଅନ୍ତମ୍‌ ଞନଡ୍ରମ୍‌ନେନ୍‌ ଆସନ୍‌ ଇନ୍‌ଲେଞ୍ଜି ଇସ୍ୱରନ୍‌ ଆସରଙ୍‌ ଏନମ୍‌ଡଙ୍‌ଲାୟ୍‌ । 11 ଞେନ୍‌ ଅଡ଼୍‌କୋନ୍‌ ଇସ୍ରାଏଲନ୍‌ ବନାଁୟ୍‌ବର୍ରଞ୍ଜି ଏମ୍ମାନେଲଜି, ସର୍ରଙ୍‌ବେନ୍‌ ଏଙ୍ଗାଲେ ଅଃନ୍ନମ୍‌ଡଙେଜି, କେନ୍‌ ଆସନ୍‌ ଆନିଞ୍ଜି ଆନାଗଡ୍‌ ଏଜିର୍ରେଞ୍ଜି, କେନ୍‌ ଆସନ୍‌ ସନୟ୍‌ପନ୍‌ ଡ ଇସ୍ୱରନ୍‌ ଆସେବାମର୍ର ମସାନ୍‌ ଆବନାୟ୍‌ବର୍ର ଆରିଡେନ୍‌ ଆପର୍ରମାଡ଼ା ଡ ଞେନ୍‌ ତୁମ୍‌ ତିୟ୍‌ତିୟ୍‌ଲଙଲନ୍‌; ଇନିଆସନ୍‌ଗାମେଣ୍ଡେନ୍‌ ଇନ୍‌ଲେଞ୍ଜି ଇର୍ସେନ୍‌ ଆବିରୁଡଲୋଙନ୍‌ ଏଲୁମ୍‌ତାୟ୍‌ । 12 ଆରି ଆନିନ୍‌ ଞେନ୍‌ ଆସନ୍‌ ଏର୍ସୁକ୍କାନ୍‌ ଅନମେଙ୍‌ ଆସନ୍‌ ବିରୁଡଲେନ୍‌ ଡ ଅଙ୍ଗା ପନ୍‌ସୁଆତିମରନ୍‌ ଞେନ୍‌ ପନ୍‌ସୁଆତିଲଙତନ୍,ଆନିନ୍‌ ତି ଆବାକ୍ୟ ଆଜାଡି‌ନ୍‌ ଡେଏନ୍‌, ଇନିଆସନ୍‌ଗାମେଣ୍ଡେନ୍‌ ଜିରୁସାଲମ୍‌ ଆଡଙ୍‌ ଇନି ଆକାବାଡ଼ା ଡେଲୋ, ଅଡ଼୍‌କୋ ରୁଆଙନ୍‌ ଆଜାୟ୍‌ତାଲୋଙ୍‌ ଏନେଲେ ଅର୍ରଙ୍‌ଡେ । 13 ମସାନ୍‌ ଆବନାୟ୍‌ବର୍ର ଅନ୍ତମ୍‌ କେନ୍‌ ଅନ୍ତମ୍‌ ଏର୍ସୁକ୍କାନ୍‌ ଅମଙ୍‌ଲେନ୍‌ ଗଟେତାୟ୍; ଏଲେଜାକିୟ୍‌ ଡେନ୍‌ ଇନ୍‌ଲେଞ୍ଜି ରମଙ୍ ରମ୍ମଙ୍‌ ଇର୍ସେ କାବ୍ବାଡ଼ାନ୍‌ ସିଲଡ୍‌ ୟର୍ରନେନ୍‌ ଆସନ୍‌ ଡ ଆଜାଡ଼ିନ୍‌ ଗନ୍ନଲୁଡନ୍‌ ଆସନ୍‌ ସଦାପ୍ରବୁନ୍‌ ଆମଙ୍‌ ଆ କାକୁର୍ତିନ୍‌ ଇସ୍ୱରନ୍‌ ଅଃନ୍ନିସୁମ୍‌ବେନ୍ । 14 କେନ୍‌ ଆସନ୍‌ ପ୍ରବୁନ୍‌ ମନଙ୍‌ଅନବ୍‌ମେନେବୋ ଞେନ୍‌ ଆଡଙ୍‌ ଜାଗ୍ରତ ଡାଲନ୍‌ କେନ୍‌ ଆତେ ଗଟାଏନ୍‌; ଇନ୍‌ଲେଜି ଇନି ଇନି ଲୁମ୍‌ତବୋ, ତି ଅଡ଼୍‌କୋନ୍‌ ମନଙ୍‌ କାବ୍ବାଡ଼ାଞ୍ଜି ଡକୋ, ବନ୍‌ଡ ଞେନ୍‌ ଆ ସର୍ରଙନ୍‌ ଅନମ୍‌ଡଙନ୍‌ ଆସନ୍‌ ଅସାୟ୍‌ବୋ ।"

15 "ତିଆସନ୍‌ ନମି ଏ ଇସ୍ୱରଲେନ୍‌, ଆସିଂନମ୍‌ ଆ ବୋର୍ସା ବାତ୍ତେ ମିସର୍‌ ଡେସାନ୍‌ ସିଲଡ୍‌ ଅମ୍‌ଡୁଙ୍‌ଲେ ଓରୋଙ୍‌ଡାଲେ ନମିଜି ଆଜାଡ଼ିନ୍‌ ମନ୍ନ୍‌ନେନ୍‌ଆସନ୍‌ ଲାବମ୍‌ଲାୟ୍‌; ଞେନ୍‌ ଇର୍ସେନ୍‌ ଡ ପରାନ୍‌ସାତ୍ତିନ୍‌ ଆକାବାଡ଼ା ଏଲୁମ୍‌ଲାୟ୍‌ । 16 ଏ ପ୍ରବୁ ୟେଡାତନାୟ୍‌ ଅଡ଼୍‌କୋନ୍‌ ଡରମ୍ମ କାବାଡ଼ାନ୍ଅନ୍ତମ‌ ଜିରୁସାଲମ୍‌ ଗଡ଼ାନ, ମଡ଼ିର୍‌ ବରୁନମ୍‌ ଆଡଙ୍‌ ବନ୍‌ର୍ରାନମ୍‌ ଡ କିନ୍‌ସାନ୍‌ ଡେଏତୋ; ଇନିଆସନ୍‌ଗାମେଣ୍ଡେନ୍‌ ଇର୍ସେଲେନ୍‌ ଡ ପୁର୍ବାମରଞ୍ଜି ଆ ଡରମ୍ମେଙ୍‌ ବାତ୍ତେ ଜିରୁସାଲମନ୍‌ ଡ ଅଡ଼୍‌କୋରେଙନ୍‌ ଆମନରାଜି ନିଣ୍ତୟନ୍‌ ଞାଙେଞ୍ଜି । 17 ନମି ଏ ଇସ୍ୱର ପ୍ରାର୍ତନାଲେନ୍‌ ଡ କାକୁର୍ତ୍ତିଲେନ୍‌ ଅମ୍‌ଡଙା ଡ ଆମନ୍‌ ଅଙ୍ଗା ଡରମଲୋଙ୍‌ ଗୁରୁଡେନ୍‌, ତି ଆସନ୍‌ ପ୍ରବୁ ଞେନ୍‌ ଆଡଙ୍‌ ଗିୟଲେନ୍‌ । 18 ଏ ଇସ୍ୱର ଡାଲୁଲେ ଅମ୍‌ଡଙାୟ୍; ସାବ୍‌କୁଡ୍‌ମଲନ୍‌ଗିୟ୍‌ଲେ ସବ୍‌ଙାନେଲେ ଗିଜା, ଅଞୁମ୍‌ଲୋଙ୍‌ନମ୍‌ କେନ୍‌ ଆଗଡ଼ାରେଙ୍‌ ଗିଜା; ଇନିଆସନ୍‌ଗାମେଣ୍ଡେନ୍‌ ଇନ୍‌ଲେଞ୍ଜି ଡରମ୍ମଲେନ୍‌ ଆସନ୍‌ତଡ୍‌, ବନ୍‌ଡ ସୋଡ଼ା କାନ୍‌କାରମ୍‌ନମ୍‌ ଆସନ୍‌ ଞେନ୍‌ ମୁକ୍କାବାନମ୍‌ ଏକାକୁର୍ତିତନାୟ୍‌ । 19 ଏ ପ୍ରବୁ ଅମ୍‌ଡଙା; କେମାଲେନ୍‌, ମନଙ୍‌ ଅମ୍‌ଡଙ୍‌ଲେ କାବ୍ବାଡ଼ାନ୍‌ ଲୁମା; ଅବ୍‌ଡିଂଡଂନେ; ଏ ଇସ୍ୱରଞେନ୍‌, ଆମନ୍‌ ଆସନ୍‌ କାବ୍ବାଡ଼ାନା, ଇନିଆସନ୍‌ଗାମେଣ୍ଡେନ୍‌ ଗଡାନମ୍‌ ଡ ମନ୍‌ରାନଞ୍ଜି ଅଞୁମ୍‌ନମ୍‌ ସୋଡ଼ା ଡକୋଜି ।"

20 କେନ୍‌ ଅନ୍ତମ୍‌ ଞେନ୍‌ କାକୁର୍ତିଲନ୍‌ ପ୍ରାର୍ତନାଲନାୟ୍, ଆରି ଇର୍ସେଞେନ୍‌ ଡ ଇସ୍ରାଏଲଞେଞ୍ଜି ଇର୍ସେନ୍‌ ଅମ୍‌ରେଙ୍‌ଲେ ବର୍ରଞ୍ଜି, ଆରି ଇସ୍ୱରଞେନ୍‌ ମଡ଼ିର୍‌ ବରୁନ୍‌ ଆସନ୍‌ ପ୍ରବୁନ୍‌ ଆମୁକ୍କାବନ୍‌ ଆମନ୍‌ କାକୁର୍ତିଲତନାୟ୍‌; 21 କେନ୍‌ ଅନ୍ତମ୍‌ ପ୍ରର୍ତନାଲନ୍‌ ବର୍ରନ୍‌ ବର୍ରନ୍‌ ଆପ୍ରତମୁନ୍‌ ଆତନାଲ୍‌ମଡ୍‌ନ ଞେନ୍‌ ଗିୟ୍‌ଲାୟ୍‌, ତି ଆ ମନ୍‌ରା ଗାବ୍ରିଏଲନ୍‌ ଲଜିର୍‌ ପଡ୍‌ନେନ୍‌ ଆସନ୍‌ ବାଙେନ୍‌ ପ୍ରାୟ୍‌ ସାଲୁମ୍‌ଓଲେନ୍‌ ଅନମଙନ୍‌ ଆଡିଡ୍‌ ଞେନ୍‌ ସୁଙେଲିୟ୍‌ । 22 ଆରି ଗାବ୍ରିଏଲନ୍‌ ଞେନ୍‌ ଞନଙନ୍‌ ତିୟ୍‌ଲିଁୟ୍‌ କି ଞେନ୍‌ ବୟନ୍‌ କଡ଼ାଡିଲନ୍‌ ବର୍ରନ୍‌, ଏ ଦାନିଏଲ୍‌ ନମିଞେନ୍‌ ଆମନ୍‌ ବୁଡ଼ିନ୍‌ ଆତନିୟ୍‌ ଆସନ୍‌ ଜିର୍ରାୟ୍‌ । 23 ଆମନ୍‌ ଆଙ୍ଗାଡିଡ୍‌ ପ୍ରାର୍ତନାନ୍‌ ଉଲ୍ଲନେ, ତାଡିମା ଞେନ୍‌ ଅନବ୍‌ଜନାନ୍‌ ଆସନ୍‌ ଜିର୍ରାୟ୍‌, ଇନିଆସନ୍‌ ଆମନ୍‌ ଗୋଗୋୟ୍‌ ଡନୁଙ୍‌ୟମ୍‌ଡମ୍‌; କେନ୍‌ ଆବର୍ନେ ଇୟମା ଡ ତନଲ୍‌ମାଡନ୍‌ ଅବ୍‌ଗନ୍‌ଲୁଡ୍‌ନା । 24 ବନାୟ୍‌ବର୍ରନଞ୍ଜି ସୁଜ୍ଜେନ୍‌ କି ଇର୍ସେନ୍‌ ସିଲଡ୍‌ ସବ୍‌ଙାୟ୍‌ନେନ୍‌ ଆସନ୍‌ ଡ ଏର୍‌ଡରମ୍ମନ୍‌ କେମାନ୍‌ ଆଞନାଙ୍‌ ଲୁମ୍‌ତଜି, ଆରି ଅଃନ୍ନଞିଡେନ୍‌ ଆଡରମନ୍‌ ଅନୋରୋଙନ୍‌ ଆସନ୍‌, ଆରି ତନଲ୍‌ମାଡନ୍ ଡ ତିକ୍କୟୋଙ୍‌ ଆବକ୍ୟ ସିଲୁନ୍‌ ଅନ୍ନବ୍‌ମ୍ମେନ୍‌ ଆସନ୍‌ ସୋଡ଼ା ମଡ଼ିର୍‌ ଜାଗାଲୋଙନ୍‌ ଅବିସିକ୍ତମର୍ରନ୍‌ ଆସନ୍‌ ମନ୍‌ରାଜି ଡ ମଡ଼ିର୍‌ ଡେସାନ୍‌ ଆସନ୍‌ ୟାକୁଡ଼ିଦସ ପାଲିଡେଲୋଜି । 25 କେନ୍‌ ଆମନ୍‌ ଜନାମନ୍ତୁ ଡ ଗନ୍‌ଲୁନା ଡ ଜିରୁସାଲମନ୍‌ ଆରି ବତରତନୁବନ୍‌ ଆସନ୍‌ ‌ବନାୟନ୍‌ ସିଲଡ୍‌ ଆନିନ୍‌ ସୋଡ଼ା, ଅବିସିକ୍ତ ମରଞ୍ଜି ସାତ ପାଲି ଡେତେ; ଆରି ଡଣ୍ତଡିନ୍ନାଇଙନ୍‌ ତିଆତେ ଚକ ଡ ପରିକାନ୍‌ ବୟନ୍‌ ୟାଗି କୋଡ଼ି ବାଗୁ ପାଲି ଆରି ବତରତନୁବନ୍‌ଡେତେ । 26 ଆରି ୟାଗି କୋଡ଼ି ବାଗ୍‌ପାଲି ଆଡ୍ରେନ୍‌ ତିକ୍କି ଅବିସିକ୍ତନ୍‌ ମରଞ୍ଜି ଅନ୍ନାୟତଞ୍ଜି ଡ ଆନିଞ୍ଜି କାଜ୍ଜାନ୍‌ ଡେତଜି; ଆରି ତିକିୟୋଙ୍‌ ସୋଡ଼ାମରଞ୍ଜି ଆଡେସା ଡ ଆଡରମନ୍‌ ଅଞିଡ୍‌ତେ ଡ ଡାଆନ୍‌ ବୟନ୍‌ ଅବ୍‌ଞିତେ; ଆରି ଆତିନିକିଜାୟ୍‌ ଜୁଜନେନ୍‌ ଡେତେ; କାଜ୍ଜାନ୍‌ ଆନ୍ନାନେନ୍‌ ଡୁଙ୍‌ତନାୟ୍‌ । 27 ଆରି ଆନିନ୍‌ ବପାଲ୍ଲି ଜାୟ୍‌ ଗୋଗୋୟ୍‌ ମନ୍‌ଡ୍ରାନ୍‌ ମାୟ୍‌ଲନ୍‌ ରଡୋ ଅନସୟ୍‌ ଲୁମ୍‌ତେ ଡ ବପାଲ୍ଲିନ୍‌ ମଡିନ୍‌ ଜୁଗାନ୍‌ ଜାୟ୍‌ ଅନମଙ୍‌ନ ଅବ୍‌ଗୁରୁଡ୍ଡେତେ; ଆରି ଏର୍‌ମଡ଼ିର୍‌ ଆଜନବ୍‌ଜି ଆଉପ୍ରେଙନ୍‌ ଅନ୍ନବ୍‌ସୁଜେନ୍‌ ଆସନ୍‌ ଅବୟ୍‌ନେ ଜିର୍ରତାୟ୍‌; ଆରି ଆଗବ୍‌ରି ଡିନ୍ନାନ୍‌ଜାୟ୍‌ ଆଉପ୍ରେଙ୍‌ଲୋଙନ୍‌ ବନ୍‌ର୍ରାବନ୍‌ ଡକୋତଜି ।