ନବ୍କୁତ୍ନିତ୍ସରନ୍ ଆଡଙ୍ ପଞ୍ଚୁଆତି
28 ନବ୍କୁତ୍ନିତ୍ସରନ୍ ରାଜାନ୍ ଆଡଙ୍ କେନ୍ ଅଡ଼୍କୋନ୍ ଡେନ୍ । 29 ବାର୍ ଆଙ୍ଗାୟ୍ ଆତିକି ଆନିନ୍ ବାବିଲନ୍ ଆରାଜା ସିଂଙ୍ଲୋଙ୍ ବୁଲେଲେ ଡକୋଲନ୍ । 30 ରାଜାନ୍ କେନ୍ ଆବର୍ନେ ବର୍ରେନ୍, ବୋର୍ସାଞେନ୍ ଡ ବୁଡିଞେନ୍ ବୟନ୍ କେନ୍ ରାଜଦାନି ତୁବ୍ଲାୟ । କେନ୍ ଆତେ ବୋର୍ସା ବାବିଲନ୍ ତଡ୍ ପଙ୍ ? 31 ରାଜାନ୍ ଅମ୍ମୁକାଲୋଙନ୍ କେନ୍ ଆବର୍ନେ ଡକୋନ୍ ଡକୋନ୍ କେନ୍ ରୁଆଙନ୍ ସର୍ରଙନ୍ ଜିର୍ରାୟ୍, ଏ ନବ୍କୁତ୍ନିତ୍ସରନ୍ ରାଜା, ଆମନ୍ କେନ୍ ଆବର୍ନେ ବର୍ରତମ୍ ଅମଙ୍ନମ୍ ସିଲଡ୍ ରାଜ୍ୟନମ୍ ଜିର୍ରେନ୍ । 32 ଆରି, ଆମନ୍ ମନ୍ଡ୍ରାଞ୍ଜିଲୋଙ୍ ସିଲଡ୍ ସବ୍ଙାୟ୍ତନ୍ ଡ ବସେଙ୍ରେଙନ୍ ଆ ଜନ୍ତୁଜି ବୟନ୍ ଡକୋତନ୍, ତାଙ୍ଲିୟନ୍ ଆପଞ୍ଚୁଆତିଲୋଙ୍ ଆମନ୍ ଅଗାବନ୍ ଜୋମ୍ତେ, କେନ୍ ଅନ୍ତମ୍ ଆମନ୍ ସାତ ବର୍ସେଙ୍ଜାୟ୍ ଜିର୍ରତେ; ଆତିନିକି ଡ ପରମେସ୍ୱରନ୍, ମନ୍ରାଞ୍ଜି ଆରାଜ୍ୟ ସାସନତେ ଡ ଆଇସ୍ସୁମନ୍ ଆନା ଆନିନ୍ ତିଆତେ ତିୟ୍ତେ, କେନ୍ ଆତେ ଆମନ୍ ଜନାତମ୍ । 33 ତି ଆଡଣ୍ତଲୋଙ୍ ନବ୍କୁତ୍ନିତ୍ସରନ୍ ଆଡଙ୍ କେନ୍ ଆବର୍ନେ ଆଜାଡ଼ିନ୍ ଡେନ୍; ଆରି ଆନିନ୍ ମନ୍ଡ୍ରାଞ୍ଜିଲୋଙ୍ ସବ୍ଙାୟ୍ଲନ୍ ତାଙ୍ଲିଅଞ୍ଜି ଆଗାବ୍ ଜୁମେନ୍, ଆରି ଆଡଅଙନ୍ ସସିରାଡାନ୍ ବାତ୍ତେ ଡାଡାଏନ୍, ଆତିନିକି ଆଉଉନ୍ ଉତ୍କ୍ରୋସ ଅନ୍ତିଡନ୍ ଅନ୍ତମ୍ ଡ ଆକାର୍ରସିନ୍ ଅନ୍ତିଡନ୍ ଅନ୍ତମ୍ ସୋଡ଼ାଏନ୍ ।
ନବ୍କୁତ୍ନିତ୍ସରନ୍ ଇସ୍ୱରନ୍ ଆମଙନ୍ ସନେନ୍ସେନ୍
34 ତି ଆସନେସଡିନ୍ନାଇଙ୍ ଞେନ୍ ନବ୍କୁତ୍ନିତ୍ସରନ୍ ରୁଆଙନ୍ ଗଡ୍ ତୋଣ୍ତୁନ୍ ଆଙାଙ୍ଲାୟ୍, ତିଲୋଙ୍ ବୁଡିଞେନ୍ ଡ ଅସୁଞେନ୍ ଅମଙ୍ଞେନ୍ ୟର୍ରନାୟ୍, ତିଲୋଙ୍ଞେନ୍ ଇସ୍ୱରନ୍ ସନେନ୍ସେନ୍ ତିୟ୍ଲାୟ୍ ଡ ଅଃନ୍ନଞିଡେନ୍ ଆସେଙ୍କେରାନ୍ ଲୁମ୍ଲାୟ୍; ଇନିଆସନ୍ ଆସାସନ ଅଃନଞିଡେ ଡ ଆରାଜ୍ୟନ୍ ପୁର୍ରବାନ୍ ସିଲଡ୍ ନମିଆନ୍ତାନ୍ ଡକୋତନ୍ । 35 ଆରି ପୁର୍ତିନ୍ ଆ ମନ୍ରାଜି ଇଡ୍ନିଙ୍ତଡ୍; ଆରି ରୁଆଙନ୍ ପାଙ୍ଲଙ୍ବର୍ରମରଞ୍ଜି ଡ ପୁର୍ତିନ୍ ଆ ମନ୍ରାଜି ଆ ଇସ୍ସୁମ୍ନମ୍ ବାତ୍ତେ କାବ୍ବାଡ଼ାତଞ୍ଜି; ଆରି ଆନିଙ୍ଜା ଆସିଂନ୍ ଡଙ୍ଡଙ୍ଲେ ଅଃର୍ରପ୍ତିଏ ଡ ଆମ୍ୱେନ୍ ଇନିଏଙ୍ଗାତନ୍ କେନ୍ ଆତେ ବର୍ରନେ ଏର୍ରପ୍ତିଏ । 36 ତିଆଡିନ୍ନା ମନଙ୍ ବୁଡିଞେନ୍ ଅମଙ୍ଞେନ୍ ୟର୍ରନାୟ୍ ଡ ରାଜ୍ୟଞେନ୍ ସନେନ୍ସେନ୍ ଆସନ୍ ସନାଆର୍ରଞେନ୍ ଡ ସନାଆର୍ରନ୍ ଅମଙ୍ଞେନ୍ ୟର୍ରନାୟ୍; ତିଲୋଙ୍ ମନ୍ତ୍ରିଞେନ୍ ଡ ପଞ୍ଚୁଆତିମରଞ୍ଜି ସାୟ୍ଲିଞ୍ଜି; ଆରି ରାଜ୍ୟନ୍ଞେନ୍ ଜିର୍ରାୟ୍ ଡ ସନେନ୍ସେନ୍ଞେନ୍ ଗୋଗୋୟ୍ ପାଙେନ୍ । 37 ତିଆସନ୍ ଞେନ୍ ନବ୍କୁତ୍ନିତ୍ସରନ୍ ତି ରୁଆଙନ୍ ରାଜାନ୍ ସେନ୍ନ୍ତାୟ୍, ଡ ଡୁଙ୍ୟୁମ୍ତାୟ୍; ଇନିଆସନ୍ଗାମେଣ୍ଡେନ୍ ଅଡ଼୍କୋନ୍ ଆକାବାଡ଼ା ଆଜାଡ଼ିନ୍ ଡ ଆ ତଙରନ୍ ଆଜାଡ଼ିନ୍, ଆଡ଼େ ଆନାଜି ଗର୍ବତଜି ଆନିଞ୍ଜି ଅବ୍ସ୍ସନାତେ ତିଆସନ୍ ଆମଙନ୍ ରନପ୍ତିଡକୋ ।