Mateus 7

2 I siragl pre ene siragl mere yoba ta kan yubu sinaiglkwa i, God ene ama kan yubu sinabuka. Te, ene siragl mere yoba wakai ere tenaiglmere mere yegl God kuno ere, ere ikne edenabuka.

3 Ana siragl eruko, ene agitn gumuglo mina ede dekne kebra ta paugwa ibo kandre, ede mudu ta enene gumugln mina paugwa i kankre, dine? 4 Ede podo ta ene gumugln mina pai moglko, ene kanige ere, agitn moglmara pi di te, Agra, na ede dekne kebra ta gumugln mina paugwa i, i meda edinaluwe dinga i, kuno ta erekrume dugwa.