Nhunza kulawa Muhe wa Mulungu
1 Baho mwiga zangu, kwa mbuli ya nhunza za muhe wa Mulungu nolonda mzimanye goya mbuli zino. 2 Movimanya kua, vumkalile mng’hali hamnammanya Mulungu, mukala mlongozigwa na kufugamila milungu ya nyang’iti ilibule ugima.
3 Baho mvimanye kua, munhu yoyose yolongozigwa na Muhe wa Mulungu hadaha kulonga, "Yesu yenukiligwe! Na ivija munhu yoyose ija halongozigwa na Muhe wa Mulungu hadaha kulonga, "Yesu ni Mndewa," kama halongozigwe na Muhe wa Mulungu.
4 Hana nhunza hakwehakwe, mbali yoolava ni Muhe wa Mulungu ni iyoiyo imwe. 5 Kaidi hana nzila nyingi za kumsang’hanila Mndewa, mbali Mndewa yosang’haniligwa ni iija imwe. 6 Hana nzila hakwehakwe za kusang’hana sang’hano za Mulungu, mbali Mulungu iija imwe yodahiza kusang’hana mbuli zose. 7 Chila munhu Muhe wa Mulungu komwing’ha nhunza ya komtaza kusang’hana sang’hano ili chila munhu yawataze wamwenga.