Efésios 4

25 Kwaivo, lekeni uvwizi. Chila munhu kolondeka kumlongela miage ukweli, kwavija chila imwe mmwenu ni chilungo cha lukuli lwa Kilisito. 26 Kama muhawa na ludoko, sekemtogole ludoko lwenu lumtendani mloze, hebu seke mkale na ludoko zua jose. 27 Sekemmwing’he Mwenembago nyafasi ya kukuhuma kwa ludoko lwenu. 28 Mbavi, sekeyebe kaidi, mbali yasonge kusang’hana sang’hano inogile kwa makono gake, yawe na chinhu cha kumtaza munhu yeli chikumbi muyega. 29 Mbuli zihile sekezihulikike mmwenu kabisa, chila mala mbuli zenu ziwe zinogile na zija za kugela moyo na kutaza wamwenga, ili gawanogeze waja wowategeleza. 30 Sekemmwing’he giogio Muhe wa Mulungu, kwavija Muhe iyo ni chija Mulungu chiyalongile kokwinza kuweng’ha wanhu wake, na wolagusa kua zua dokwiza baho Mulungu honda yawakomboleni. 31 Ivo, lekeni uhasanyi na fundogolo na ludoko na nyangi na maligo. Lekeni ubananzi wa chila namna! 32 Muwe na moyo unogile na uli na kuionela bazi, chila munhu na agele kumgongo ga miage kama nayo Mulungu viyagele kumgongo malozo genu kwa nzila ya Kilisito.