ହାନାୟି 16

4 ଏଚେଟିଏ ପ୍ରବୁ ମ଼ସାଇଁ ଏଲେଇଚେସି, "ମେହ୍‌ମୁ ନା଼ନୁ ମିଙ୍ଗେ ତାକି ହା଼ଗୁ ଲାକଟି ତିନି କା଼ଦି ହିୟାଇଁ; ଇଞ୍ଜାଁ, ଲ଼କୁ ବାରେ ପାଙ୍ଗାତା ହାଜାହାଁ ଦିନାତାକି ଦିନା, ଏଚେକା ଲ଼ଡ଼ା ଆ଼ନେ ଏଚେକା କା଼ଦି କୂଡ଼ି କିନେରି; ଏଚେଟିଏ ଏ଼ୱାରି ନା଼ ମେ଼ରା ଲେହେଁ ତା଼କିନେରି କି ଆ଼ଏ ନା଼ନୁ ଏ଼ୱାରାଇଁ ଈଦାଆଁ ତଲେ ତାୟିପାରି କିଇଁ। 5 ସ଼ଦିନାତା ଏ଼ୱାରି ଏ଼ନାଆଁ ତାନେରି ଏ଼ଦାଆଁ ୱାଜିସାରେ ଦିନା ତାକି ଦିନା ଏଚେକା କୂଡ଼ି କିନେରି ତାନି ରୀ ଗୂଣୁ ଆ଼ନେ, ଏ଼ଦାଆଁତାକି ଏ଼ ଦିନା ଏଚେକା କୂଡ଼ି କିନେରି ଏ଼ଦାଆଁ କୂଡ଼ିକିହାଁ ଇଟାପେରି।"