10 ଅ଼ଡ଼େ ଏ଼ୱାରି ରୀ ହା଼ତା ଆଦା ଲାମ୍ବା, ର଼ ହା଼ତା ଆଦା ଅ଼ସାରା, ର଼ ହା଼ତା ଆଦା ପାଡ୍ଣି ସିଟିମ ମା଼ର୍କାତି ର଼ ପେ଼ଡ଼ା ତିୟାରା କିନେରି। 16 ଇଞ୍ଜାଁ ନା଼ନୁ ମିଙ୍ଗେ ଏମିନି ରା଼ଜିମା଼ନାତି ରୀ ୱାଲି ପା଼ଟାୟାଁ ହିୟାଇଁ ଏ଼ଦାଆଁ ଏ଼ ପେ଼ଡ଼ା ବିତ୍ରା ଇଟିଦେରି।
17 ଏଚେଟିଏ ମୀରୁ ଅଟ୍ହି ବାଂଗାରା ତଲେ ରୀ ହା଼ତା ଆଦା ଲାମ୍ବା ଅ଼ଡ଼େ ର଼ ହା଼ତା ଆଦା ଅ଼ସାରା ର଼ ପା଼ପୁ ପ୍ଡିକ୍ନି ଡା଼ପ୍ଣା ତିୟାରା କିଦେରି। 18 ମୀରୁ ବାଂଗାରା ତଲେ ରୀ କିରୁବ25:18 କିରୁବ/ମା଼ରାୟାଁଗାଟି ଦୂତୁ ତିୟାରା କିଦେରି; ଏ଼ୱାଆଁ ମୂତ୍ଲା ତଲେ କଲ୍ହିହିଁ କିହାଁ ଏ଼ ପା଼ପୁ ପ୍ଡିକ୍ନି ଡା଼ପ୍ଣା ରୀ ତା଼ର୍ପୁ ୱାକି ଇଟିଦେରି। 21 ମୀରୁ ଏ଼ ପା଼ପୁ ପ୍ଡିକ୍ନି ଡା଼ପ୍ଣା ଏ଼ ପେ଼ଡ଼ା ଲାକ ଇଟିଦେରି, ଇଞ୍ଜାଁ, ନା଼ନୁ ମିଙ୍ଗେ ଏମିନି ରା଼ଜିମା଼ନା ଆ଼କୁ ହିୟାଇଁ, ଏ଼ୱାଆଁ ଏ଼ ପେ଼ଡ଼ା ବିତ୍ରା ଇଟିଦେରି।