ପିତାଡ଼ାତି ପିଣ୍ତା
1 ଅ଼ଡ଼େ ନୀନୁ ସିଟିମ ମା଼ର୍କା ତଲେ ପା଼ସା ହା଼ତା ଲାମ୍ବା ଅ଼ଡ଼େ ପା଼ସା ହା଼ତା ଅ଼ସାରା ର଼ ପିଣ୍ତା ତିୟାରା କିଦି, ଏ଼ ପିଣ୍ତା ସା଼ରି କନ ଆ଼ନେ; ଏ଼ଦାଣି ପାଡ୍ଣି ତୀନି ହା଼ତା ଆ଼ନେ। 2 ଇଞ୍ଜାଁ ଏ଼ଦାଣିତି ସା଼ରି କନ ଲାକ କମ୍କା କିଦି, ଅ଼ଡ଼େ ଏ଼ କମ୍କା ପିଣ୍ତାତି ର଼ ବା଼ଗା ଆ଼ନୁ, ଅ଼ଡ଼େ ଏ଼ଦାଣି ପିତାଡ଼ା ତଲେ ୱା଼ରି କିଦି। 3 ଅ଼ଡ଼େ ଏମ୍ବାଟି ଦାର୍ମ୍ବୁ ଡ଼େୱାଅ଼ହାଲି ତାକି ଦାର୍ମ୍ବୁ ଗ଼ରା କିଦି, ଏମ୍ବାତି ହିଚୁ ଡ଼େୱିନି ହାଟ୍ୱା, କାଜା ସିପା, ତୀନି ଡେ଼ଡ଼ା ବା଼ଲା, ହିଚୁ ଗ଼ରା କିଦି; ଏମ୍ବାତି ବାରେ ଆ଼ସ୍ତି ପିତାଡ଼ା ତଲେ ତିୟାରା କିଦି। 4 ଅ଼ଡ଼େ ପିତାଡ଼ା ତଲେ ର଼ ଜା଼ଲି କେ଼ପିଦି ଅ଼ଡ଼େ ଏ଼ଦାଣି ଲାକ ସା଼ରି କନତା ପିତାଡ଼ାତି ସା଼ରିଗଟା କାଡ୍ୱାୟାଁ ତିୟାରା କିଦି। 5 ଏ଼ ଜା଼ଲି ପୂଜା ପିଣ୍ତାତି ଗୂର୍ଚାମାନି ଡ଼଼ଇ ଇଟିଦି ଅ଼ଡ଼େ ଏ଼ ଜା଼ଲି ପୂଜା ପିଣ୍ତାତି ମାଦି ପାତେକା ଡ଼ୟିନେ। 6 ଅ଼ଡ଼େ ପୂଜା ପିଣ୍ତା ତାକି ସିଟିମ ମା଼ର୍କାତି କ଼ଣା ତିୟାରା କିଦି ଅ଼ଡ଼େ ଏ଼ଦାଣି ପିତାଡ଼ା ତଲେ ୱା଼ରି କିଦି। 7 ଇଞ୍ଜାଁ ପୂଜା ପିଣ୍ତାତି ଡେ଼କିନି ବେ଼ଲା ଏ଼ଦାଣି ରିକୱାକିତି ଲାକନି କାଡ୍ୱାୟାଁ ବିତ୍ରା ଏ଼ ଟେଙ୍ଗାୟାଁ ପେନ୍ଦିଦି। 8 ନୀନୁ ଏ଼ଦାଣି ପା଼ଗେଡ଼ି ପିସିହିଁ ଏ଼ ପା଼ଟା ତଲେ ଏ଼ଦାଆଁ ତିୟାରା କିଦି, ହ଼ରୁ ଲାକ ନିଙ୍ଗେ ଏ଼ନିକିଁ ତ଼ସ୍ପି ଆ଼ହାମାଞ୍ଜାତେ, ଏଲେକିହିଁଏ ଲ଼କୁ ବାରେ କିନେରି।
ଆଣ୍ତ୍ୱି ଆ଼ନି ତୂମୁତି ଆଂଗେଣି
(ହାନାୟି ୩୮:୯-୨୦)