16 Aw migsuguꞌ uman sakanan na ya kadég na manga utaw ka-ilangan dumawat sa marka dun ni kalintu na kamaw nilan, aw kun diliꞌ, adti kanilan bayuꞌ. Pangkay mangkalangkaw silan aw kun tagituꞌ na utaw, aw pangkay mayaman aw kun walaꞌ ya pagkamangan, aw pangkay allang aw diliꞌ allang, ka-ilangan na alag silan kamarka͡an. 17 Kun walaꞌ ya marka nilan, diliꞌ silan makabaligyaꞌ aw makabayad. Aw ya marka, yan ya numiro na palangad ngalan na tagnaꞌ na ayep.

18 Yanagaw, ka-ilangan ya katadeng, kay ya utaw na matadeng mag-iyap sa kakawasan na numiro na tagnaꞌ na ayep, ka-ede-an nan uman kun singalan ya utaw yan. Kay ya numiro na kanan ngalan, yan ya enemenggatus aw ka͡eneman tag enem (666).