17 ମାରି, ମାପୁରୁ ଆୟା ନାଲ୍‌ଗି ମୁରୁଲିରିଙ୍ଗ୍‌ ୱିଜୁ ବିଦ୍ୟା ମାରି ବୁଦିଦାନ୍‌, ବୁଦି ମାରି ବେଗି ଅଜାନିକା ସିତାନ୍‌ ମାରି, ଦାନିୟେଲ ବର୍‌ ନି ଲୋବେରି ବିସୟ୍‌ଦାନ୍‌ ଅର୍ତ ୱେର୍‌ତେଙ୍ଗ୍‌ ବୁଦିମାନ୍‌ ଆତାନ୍‌ ।

18 ମାରି, ରାଜା ୱାରିଙ୍ଗ୍‌ ଲାକ୍‌ତୁ ତାନି ଉଣ୍ତିଙ୍ଗ୍‌ ଆମା ମୁଣ୍ତ୍ରି ବାର୍ସେକ୍‌ ସମୟ ସିତାମାର୍ହାନ୍‌, ଆକା ୱିଜିତିଙ୍ଗ୍‌, ବେଜୁରି ନେତା ଆସ୍‌ପେନାସ୍‌ ୱାରିଙ୍ଗ୍‌ ନବୂଖଦ୍‌ନିତ୍ସର ରାଜା ଆଗ୍‌ଡ଼ି ତାତାନ୍‌ । 19 ମାରି, ରାଜା ୱାରି ୱାଲେ ୱାର୍‌ଗିତାନ୍‌; ମାରି, ଆୟା ୱିଜୁଲୋକା ମାଣାନ୍‌ ଦାନିୟେଲ, ହନାନିୟ, ମିସାୟେଲ ମାରି ଅସରିୟ ସାମାନ୍ ଏନ୍‌ ତରିତାର୍‌; ଆବେଟ୍‌ ୱାର୍‌ ରାଜାଦି ପାଣିଙ୍ଗ୍‌ ସେବା କିଦେଙ୍ଗ୍‌ ପଦ୍‌ ପୋଇତାର୍‌ ।