1 "Kwalila ntumwa wekugubungano lebagalimoyo bakuSadisi uti, ‘Ihawa ndiwo matama anolebgwa nayiye unaMeya dzeNdzimu dzilikutondeka nenyenyedzi dzilikutondeka. Ndoziba mihingo iyo, unazina linolakidza kuti umpenyu, koga wakafa. 2 Muka usimise zwasala, zwabapedlo nefa, ngobe andizowana mihingo iyo yakapelela mbeli kweNdzimu wangu. 3 Uyalakane tjawakawamutjila netjawakawha, utjengete zwinhu izwezo, kakale uhanduke. Koga hapa usingamuke ndowhohha sembava, awutowhoziba lubaka gwandinowhoswika nago kukuli. 4 Koga utjina banhu mahomanana muSadisi, basakalonga hambgwa zwiyambalo zwabo, banowhoyenda nemi bakambala zwiyambalo zwitjena, ngobe bakafanila ikoko. 5 Iwhoyo unokunda, unowhombadziwa zwiyambalo zwitjena sayibo, kakale andingadzime zina lile mulukwalo gwebutjilo, koga ndowhopa busupi nekwezina lile mbeli kwaTate bangu, nangembeli kwebatumwa babo.’ "

6 "Iye unazebe ngaawhe tjinolebgwa neMeya kumakubungano ebagalimoyo."

7 "Kwalila ntumwa wekugubungano lebagalimoyo likuFiladefiya uti, ‘Ihawa ndiwo matama anobva kuna iye wakayengemala, iye wemalebeswa, iye unakhiyi yaDavida, unoti hapa ahhula akuna ungahhalila, unoti hapa ahhalila akuna ungahhula. 8 Ndoziba mihingo iyo. Linga, ndasa nkoba wakahhulika mbeli kuko, akuna ungawuhhalila, ndoziba kuti unamasimba mahomanana koga wakatjengeta dama langu, awuzolandula zina langu. 9 Ibabo besinagogu yaSatane banozwiti maJuta ibo besi maJuta koga benyepa, ndowhothama kuti bahhe bewhokotama pamakumbo awo kakale bazibe kuti iwe ndakakuda. 10 Saku wakatjengeta nlayo wangu wekuti usimidzile nemoyonlefu, nami ndowhokutjengeta mulubaka gwelikiwa gunowhoba pehhugwi kwehango yose, gohha guwholika ibabo banogala muhango. 11 Ndohha nekulibilidza. Bhatisisa tjawunatjo, kuyetila kuti kusitongoba nenhu unokutolela tjiyala tjitjo. 12 Iye unokunda ndowunthama akabe mhanda muThempeli leNdzimu wangu, haatowhobhuda mulili, kakale ndowhokwala pawunli zina leNdzimu wangu, nezina lenzi-nkulu weNdzimu wangu, linoba Jerusalema tshwa linojita pasi libva kuNdzimu wangu libhuda kudzimu, kakale ndowhokwala pawunli zina langu tshwa.’ "

13 "Iye unazebe ngaawhe tjinolebgwa neMeya kumakubungano ebagalimoyo."

14 "Kwalila ntumwa wekugubungano lebayengemali lekuLayodikhiya uti, ‘Iwa matama aAkujalo, iye nsupi unogalikabgwe kakale ali wemalebeswa, tshinde lazose zwakabumbiwa neNdzimu. 15 Ndoziba mihingo iyo, kuti awutotonhola kakale awutopisa, ndoyemula kuti kadzene utonhola kene upisa! 16 Ngono nentha yekuti unodziya koga, usingatonhole kene pisa ndowhokupfa ndikakudusa munlomo wangu. 17 Ngobe unoti, ‘Ndakafuma,’ ‘Ndakabhudilila,’ ‘Handina tjandinohaya,’ usingazibe kuti ulombe, nowhisa zogwadza, un'hayi, ubhofu kakale umbudlo. 18 Ndokulaya mano, ndoti, tenga zeezi kundili lakatjenesewa ngekupisiwa ngemoto kuyetila kuti ube mfumi, utenge zwiyambalo zwitjena kuti umbale, kuyetila kuti uzwine bumbudlo gugo gunobhatisa honi, utenge mafuta uhhodze meho awo kuyetila kuti ubone. 19 Bunji gwebandinoda ndobatjemela, kakale ndobalanga, ndizoke halabvuka uhanduke. 20 Linga! Ndimile pankoba, ndipindisa, hapa nhu ewha whi langu, akahhula nkoba, imi ndowhongina kuwunli, ndikadla naye, iyebo akadla nemi. 21 Iwhoyo unokunda, ndowhothama kuti agale nami mutjigalo tjangu tjobumambo, sami sekwandakakunda, ndigele naTate bangu patjigalo tjabo tjobumambo."

22 "Iye unazebe ngaawhe tjinolebgwa neMeya kumakubungano ebagalimoyo."