1 Wamutjilani nhu usakasima mukugalamoyo, musi kakabadzane naye nekwekumbula kukwe. 2 Umwe nhu unogalamoyo kuti angadla tjimwe netjimwe, koga nhu unyolonyolo mukugalamoyo unodla milibo koga. 3 Iwhoyo unodla asilingile pasi usingadle, nayiwhoyo usingadle asibone nlandu unodla; ngobe Ndzimu wawuwamutjila. 4 Uyani iwe kuti ungabona nlandu nlanda wewumwe? Ndimbeli kwaBatezi babe koga kwaangama kene kwaangawa. Unowhoma; ngobe Batezi banamasimba ekuti ame.