2 Kɔratə 6:4-10 | LIY | Bíblia Online

4 Bale, ä sə kə yisə̂ nə lə aərə nɔ̂ ə pa ä sə ngâ tə alayïkosəra nə̂ Ndjapä. Rəkɔ, ä kânga tshelə ä ngbatshe lə aərə əyo, lə aərə kanga də aərə kə za awa gâ lə ä; 5 azü dâ ä ə kô ä gâ lə kânga, ə̂kpû azü âfɔ tə̂ ä də əpʉ; ä mɔ̂ mandâ kosəra, əlo wû ala ä wû ne, ä rû tshelə ä də əgo. 6 Ä yisə̂ nə ə pa lɔsu ä sə mvo, ä wusə̂ ərə, ä wusə̂ kə ru tshelə ä, ä mbrə ə̂rɔ̂tə̂ ä kə azü, ä mbrə̂ ərə tə̂ äwä Âgbɔ̂ Yîrə̂, ä yində azü yi də lɔsu bishi ne. 7 Ä yîsə̂ djatra əpʉ kə azü, tə̂ äwä awlra nə̂ Ndjapä. Kə mbrə aərə də äwänə sə tə aərə koshe nə̂ ä ndə kə pa ä bata tə̂ ä də nə ə mbrə ndje də awlra. 8 Azü sə kə lʉ ä â alabə̈ əndje sə kə mbrə ərə gana lə ala ä; alabə̈ azü nə sə kə pa ə̂rɔ̂ əpʉ də əɨrɨ ä â alabə̈ əndje nə sə kə pa əmbrʉ əpʉ də əɨrɨ ä. Azü wû ä tə alayïəterə, kandää ä sə kə pa djatra əpʉ, 9 əndje wû ä mata azü ə̂në əndje wusə̂ əndje wu ne kɔ, kandää əndje wûsə̂ ä gâ ye, ə wû ä mata azü ə̂në əndje sə kə tshu ə tshu kɔ, kandää ä sə tə asorô; əndje dâ ä gâ ye, bale əndje wô ä wô ne. 10 Əndje zâ əyo gâ tə̂ lɔsu ä, bale ä sə də ə̂rû alɔnɔ̂ tə̂ lɔsu ä; əndje wû ä mata alayïəyo, bale ä mbrə̂ azü ngbatshe tə alayïrishi. Əndje wû ä mata azü ə̂në əndje sə sə də ə̈bə̈ ərə bale ne kɔ, kandää ä sə də aərə nɔ̂.

2 Kɔratə 6

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?