Aebrʉ 9

Kristə nə zâ tə̂ ye də sorô ye nɔ̂ ə tô də əkrɔ

11 Bale, Kristə nə wûtu mata âgbɔ̂ awotokrɔ ndə kə pa tshə ko aə̂rɔ̂ aərə ə̂në ə sə̂ je gâ ye kɔ kə əzə̂. Tshə rô sɔ lə gbafa nə ə̂në ə sə tə âgbɔ̂ nə kɔ â ə lî nɔ̂ gâ ye ə rô ənə̂ azü kɔ, ə̂në ə də̂ kəna azü də̂ kə mbrə̂ kɔ ne, wala ə sə sə tə ənə̂ tshepashɔ səye ə̂në Ndjapä mbrə̂ kɔ ne.

Ə̈ndjï sə tə ərə mbʉkʉ ə̂në Ndjapä mbrə̂ də əzə̂ kɔ

15 Âdârə ə̂në Kristə nə sə tə əyïkɔkɔ̂ lə ə̈bə̈ tafa mbʉkʉ kɔ kə sə̂: tshə tshû gâ ye ndə kə pa tshə djɔ azü lə aəmbrʉ aərə ə̂në əndje mbrə̂ gâ ye lə angbʉlî mbʉkʉ nə kɔ, kanika azü ə̂në Ndjapä nə ê əndje gâ ye kɔ, əndje lï ndə kə pa əndje sɔtə̂ aə̂rɔ̂ aərə ə̂në ə sə piii kɔ ə̂në tshə zâ ama də əpʉ nə kə azü nə̂ ye gâ ye kɔ.