8 Yēhē bulbulsal, nitog galingoy nage vitwag agōh. Van lengon Welan nēte 1,000 en, qeleso nōqōn̄ vitwag, wa tō nōqōn̄ vitwag en, qeleso nēte 1,000. 9 Welan et mēlē te van lavatvat nonon, qele a yatkel et dēmdēm so kē nemlē. Ba kē notogtog muhuy hiy kimi, veg kē et buste so net vitwag niwuh qelen̄, ba kē nemyōs so ige del dēmleh. 10 Ba nōqōn̄ non Welan tavan me qele net batan̄tan̄hephep vitwag.✝ Tō lōqōn̄ nan namlēg teqlen̄ mi navaliqōqō liwo len̄, tō nep sew tegen qēt niyinyintey hag lōtōk. Tō namyam gōh wa nage del telemyam en, kēy tavan me temtawle hiy Ḡod.*