2 Pita 3

8 Yēhē bulbulsal, nitog galingoy nage vitwag agōh. Van lengon Welan nēte 1,000 en, qeleso nōqōn̄ vitwag, wa tō nōqōn̄ vitwag en, qeleso nēte 1,000. 9 Welan et mēlē te van lavatvat nonon, qele a yatkel et dēmdēm so kē nemlē. Ba kē notogtog muhuy hiy kimi, veg kē et buste so net vitwag niwuh qelen̄, ba kē nemyōs so ige del dēmleh. 10 Ba nōqōn̄ non Welan tavan me qele net batan̄tan̄hephep vitwag.✝3:10 Mathiw 24:42-44 Tō lōqōn̄ nan namlēg teqlen̄ mi navaliqōqō liwo len̄, tō nep sew tegen qēt niyinyintey hag lōtōk. Tō namyam gōh wa nage del telemyam en, kēy tavan me temtawle hiy Ḡod.*3:10 Yatkel hohole tam̄ag mayap so neves gōh qelegōh, "Tō namyam gōh wa vel haphap del telemyam en, kēy teqlen̄ qēt."

11 ?Ba Ḡod tuwuh qelen̄ nage del qeleanen, bastō kimi so akteg? Atmi tog yoyon̄ wa dēmap Ḡod 12 mahē a kimi so dēmdēyē nōqōn̄ non Ḡod. Tō itōk so kimi mugumgu maymay so nōqōn̄ nen nivanvan ēgē me. Lōqōn̄ non Ḡod, namlēg wa niyinyintey del en, nep tegen qēt.

13 Ba gēn dēmdēyē nōtōq gayaq wa namyam gayaq mey nēwē tatag navatvat nonon, namyam mey a ige del wa tawye haphap hay alon en tetnenen.