Ige Farisi me vēhge Tigsas so, "?Itōk so net niwēl natakis van hiy Sisa?"
13 Me atgiy ige lililwo nonoy mēvētleg yatkel Farisi tiwag mi yatkel et a kēy nemyin̄ ige non Mayanag Herod, so kēy van me so vēhge nēvēvēhiy van hiy Tigsas so ak sisgoy kē. 14 Tō kēy van me met Tigsas, tō mavap van hiy kē so, "Vatgo. Kemem nēglal so inēk net tenenen vitwag. Nēk et mētēgteg te ige et, veg nēk et dēmdēm te aē so net liwo si net su. Nohohole nōnōm nēhēyhēywē vēlēs, wa nēk vatvatne ige sil lemtehal a Ḡod nemyōs. Tō kemem nemyōs so ēglal. ?Wō itōk Lele nongēn so gēn wēl natakis van hiy Sisa si tateh?" (Veg Sisa nage Torom ba kē namyanag goy vel vōnō.)
17 Tigsas mavap van hiy kēy so, "Namlan Sisa, atmi lep lok van hiy Sisa. Namlan Ḡod, atmi lep lok van hiy Ḡod." Tō kēy mamamakē aē bohohole nonon agōh.
?Qeleave veg net a kē niēh lok den namatmat?
18 Yatkel Sadusi mavan me hiy Tigsas. Ige Sadusi et dēmtig te so Ḡod tak ēh lok ige mey a mal mat vatag. Ige Sadusi gōh mēvēhge nēvēvēhiy vitwag van hiy Tigsas so,
Nele non Ḡod a nitiy wē yeh den vel Le del
28 Navatgo Bele vitwag mahaldin̄qoy vel hohole del gōh. Wa kē moyon̄teg napluplu non Tigsas a nitiy wē yeh. Tō kē mavan me hiy Tigsas, ba mēvēhge nēvēvēhiy vitwag van hiy kē wo, "?Nahan Le non Ḡod a nitiy wē yeh den vel Le del?"
29 Tō Tigsas mavap van hiy kē so, "Nele mey a nitiy wē yeh qelegēn, ‘!Ige yatqōtqōn Israel, atmi yon̄teg galsi! Welan, ikē Ḡod nongēn, wa ikē mahgen a Newelan en. 30 Atmi tam Welan Ḡod nonmi mi natqami del, mi natalami del, mi nēdēmdēm del nonmi, wa mi namaymay nonmi del.’ 31 Ba nele vōyō negi den vel Le, mavap so, ‘Kimi tam galsi vel et a tog walēg tō kimi en, atmi ak nahaphap mey nēwē hiy kēy, qele kimi ak nahaphap mey nēwē lokse hiy kimi.’ Tateh le tegha se a nēwē veteg nele vōyō agōh."