Nitiy Ēm̄ Yon̄ non Ḡod n̄a Jerusalem tehet
1 Tigsas mavan den Nitiy Ēm̄ Bolol non Ḡod en, tō nitin̄qoy vitwag nonon mavap van hiy kē so, "Vatgo, nēk et. Nevet del ne Ēm̄ non Ḡod gōh nilililwo geh, ba nēm̄ nan mēwēwē geh bah."
2 Tō Tigsas meplu goy kē wo, "?Nēk etet hiy nēm̄ lililwo gōh? Vel ēm̄ geh nen tatamyuy qēt, nevet del geh nen, n̄a lēvētan. Tateh vet nihag letnon, kēy tisisisgoy qēt tiwag mi nēm̄ del."
Nēvēglal a so sisqet Nēm̄ non Ḡod tisisgoy
3 Me atgiy, Tigsas mahag n̄a wotō, nahan Wutwut Ne Olif, tō etet tēqēl hōw Lēm̄ non Ḡod. Tō Pita, Jemes, Jon, wa Andrō, kēy van me hiy Tigsas, kēy bul tēvēlēm tiwag mi kē. 4 Tō kēy vēhge van hiy Tigsas wo, "?Wō nahaphap geh gōh tavan me n̄ēh? ?Ba kemem tet vēglal nēvēglal nan qeleave mahē aso nōqōn̄ nan nivan me?"