Ige vagapgal wos Tigsas lowolwol
21 Tō ige vagapgal metsas net vitwag so niywu nowolwol non Tigsas. Net nan nivanvan lok me den tekel vōnō, ikē nahan Simon, a nage Tasayrine, kē imam nonon Aleksanda ba Rufus. 22 Tō kēy van tēy Tigsas me Ḡolkata. Ḡolkata, nēdēmdēm nan so "Natno Qētmat." 24 Tō ige vagapgal wos Tigsas lowolwol. Tō kēy masēg namalmal nonon Tigsas, bastō kēy suwsuwyeg natays aē tō so ēglal so hē telep vēh nahan malmal. 25 Kēy mowos Tigsas lelo levevet a lemtap.
26 Ba Paelat mayap nayapyap vēglal gōh so nivasemlō so kēy mēvēvēg Tigsas bahap. Kē mayap so "Net gōh namyanag non ige Juw." Tō ige vagapgal mōm̄ōk hag lowolwol n̄a apwo qētēn Tigsas. 27 Tō kēy mowos se yoge vōyō batan̄tan̄hephep laqaqayan Tigsas, vitwag lemtō ba vitwag legla.