Mak 7

9 Tigsas wo, "Kimi melepyak Nele non Ḡod tō so lep kal nēvēnami. !Namtevumi itōk!" Kē hohole tō nōk ba nēdēmdēm nonon mahē tegha. 10 Tō kē nivap so, "Me am̄ag, Mosis mavap so, ‘Kimi so dēmap imam wa tita nonmi.’ Tō kē mavap se so, ‘Net a nihole hethet hiy imam wa tita nonon en, atmi wuh mat kē.’ 11 Ba kimi vatvatne ige sil so net tit biyin̄ vēhte imam wa tita nonon. Ba kē nivap van hiy kōyō so, ‘Natkel hap aē mino a nok so lep van hiy kōmyō, so biyin̄ kōmyō aē, ba no tit lep vēhte van hiy kōmyō veg no mal vatvat vatag aē so lep van hiy Ḡod.’ 12 Tō nohohole gōh nigatgoy kē, tō kē tit biyin̄ vēhte imam wa tita nonon. 13 Ba lēdēmdēm gōh en, kimi mak nohohole non Ḡod qeleso nage yeghuquy ēwē, veg a bavatvatne tēlēvēnanmi a kimi vatvatne kēy aē en. Woqse dēmdēm mey nehet aē mi kimi."