1 Na bea Pilato abalaka baimedje Yesu ko bamobome mbalake. 2 Basoda bayoaka egbala endjubɛ, baebakeaka Yesu ta molo ko bamolwadjaka esendja ekpetu*Babakamaka, basɛpi na mɔmɔ, baigwaka pɛpɛlɛ. Bababukaka mako, na bobasia botomba eka ko bobadaledja pɛpɛlɛ bagwɛ.19, 2 Esendja ekpetu: Endja pongono ta Mal 15, 17.. 3 Babatamaka mbuti na nde ko babalaka: «Bwanda, Mokondji o bayuda!» Ko bamobomaka. 4 Pilato aimaka naikina ko abalaka na bayuda: «Ambani, nadoi amoimedja sokolu, bɛngi odjebeni boo nadihiti nongo modjɔ mobe tine bolenea moto iyo etumbo e bogwa.» 5 Na bea Yesu aimaka; alwaka egbala e ndjubɛ ko esendja ekpetu. Ko Pilato abalaka na bu: «Endjani moto!» 6 Endolo ehole emoenɛkɛ bakumu ba banganga ba Ndjakomba ko na babanei, bagamaka: «Mobaka ta ekulusu! Mobaka ta ekulusu!» Pilato abalaka na bu: «Kɛni amobakeni no bɛnɛ ta ekulusu, tengasa mbi nadihiti modjɔ mobe mo bomolenea etumbo e bogwa.» 7 Bayuda bamosɔmbedjaka: «Lodi na mobeko ko bokimana mobeko momina atungi na bogwa, tengasa asimedjaka boo adi Mwana o Ndjakomba*19, 7 Endja pongono ta Bal 24, 16..» 8 Ehole eokaka Pilato mibalo mimina, aimeaka naikina na bɔɔ. 9 Akweaka ta ndako ko ahɔdjɔkɔ Yesu: «Odi oekomi nda?» Endolo Yesu aimosɔmbedjaka. 10 Na bea Pilato abalaka na nde: «Oloni bosɔmbedjani? Otadjebaka mbi nadi na kpatsi e botingoa ko pongono ebobakedja ta ekulusu?» 11 Yesu amosɔmbedjaka: «Akɔki wɛ da na kpatsi diko i mbi emitida yena epamaka na wɛ donga o diko. Na tina emina, moto yona okabini adi wɛ adi na lindo bonɔ wɛ.» 12 Oko ta ehole emina, Pilato ahombaka enɔi e botingoa Yesu. Endolo bayuda bagamaka: «Okatingoa momi iyo, oditi mwange e Sedjale! Moto yona wasatukoaka mokondji, adi moloni o Sedjale!» 13 Ngɔngɔ i Pilato boka mibalo mimina, aimedjaka Yesu sokolu; adaa o diko ta polo e esambi ekabebo «Gabata» ta monɔkɔ mo baebele*19, 13 Gabata etingodji polo edi o diko.. 14 Edaka busa bo mosalingo mo tɛkɛ e Pasika, ta ngonga e midi*19, 14 Edi ta ehole eMidi Busa buwa, ibowaka bo bana ba pate tine tɛkɛ e Pasika. . Pilato abalaka na bayuda: «Endjani mokondji o bino!» 15 Endolo bagamaka: «Agwɛ! Agwɛ! Mobaka ta ekulusu!» Pilato abalaka na bu: «Wapalakani nabake kumu o bino ta ekulusu?» Bakondji ba banganga ba Ndjakomba basɔmbedjaka: «Loditi na kumu okina oko Sedjale.» 16 Na bea Pilato abapaka Yesu, bɛngi bamobake ta ekulusu.

Na bea bakɛkɛ na Yesu. 17 Yesu atombaka ekulusu e nde yo mɛnɛ, aimaka ta ngando enɛnɛ ta polo ebeamaka «Egɔgɔlɔ e molo» ebeamaka «Gologota» ta monɔkɔ mo baebele*19, 17 Gologota Kombe e alama etingodji Egɔgɔlɔ Edi mogangala odi mbuti na ngando enɛnɛ. 18 Edaka oho polo ebakaka ba soda Yesu ta ekulusu. Oko ta ehole emina, babakaka bami bakina babae ta ekulusu, omɔti ta ebɔ e bami okina ta ebɔ e bali Yesu adaka ndanda e bobo. 19 Pilato atombaka moibaya o ikomi ko aibakaka ta diko i ekulusu. Bakomaka ta ibaya imina: «Yesu o Nasaleta, mokondji o bayuda.» 20 Bayuda banɛnɛ balangaka ikomi imina, tengasa polo ebakabo Yesu ta ekulusu edaka mbuti na ngando enɛnɛ. Ikomi imina ikomama na monɔkɔ mo baebele, na latɛ ko na gɛlɛki. 21 Na bea bakondji ba banganga ba bayuda babalaka na Pilato: «Pɛ bokoma ikomi di "kumu o bayuda," endolo obwani bokoma: "Moto yona abalaka, adi kumu o bayuda."» 22 Pilato asombedjaka: «Eka ekomi mbi, ediki oko bea.»

23 Ngɔngɔ i basoda bobaka Yesu ta ekulusu, batombaka bisendja bi nde ko babikabanaka mabondo manɛi, omɔti*19, 23 Mobeko mo baloma modimedjaka botomba leka lo bato babe. na omɔti na i nde ibondo. Batombaka pongono kasaka e nde, yena eda bo pɛ botonga, donga o diko mbunoko nase. 24 Basoda basabaleanaka: «Lotaekabanaka, bopele lobome djonga tine bodjeba moto waetombake!» Ekɔmɔkɔ bea bɛngi ikomi ikokedjame: «Basakabaneabi bisendja bi mbi ko babomabi djonga tine bisendja*19, 24 Ndj 22, 19. bi mbi.» Endja eka ekɔkɔ basoda.

25 Mbuti na ekulusu e Yesu edaka nange e nde, ngɛnɛ mwali o nange nde, Malia mwali o Kelopasi ko Malia o Magadala. 26 Ehole enɛkɛ Yesu nange e nde aemi mbuti na motingami opalaka yo; abalaka na nange e nde: «Mwali, endja mwana o wɛ momi!» 27 Ngɔngɔ abalaka na motingami: «Endja nange e wɛ.» Oko ta ehole emina, motingami omina amotombaka adi yo.

28 Ngɔngɔ imina, elenge Yesu adjebaka boo misusu midaka misiake, abalaka tine bokokedjama bo ikomi: «Naoki posa e madiba*19, 28 Endja pongono ta Ndj 22, 16.!» 29 Edaka ena na biseli bilumake na mana ma vino e ngayi. Basoda babokeaka imbusu ta mana ma vino e ngayi*19, 29 Endja pongono ta Ndj 69, 22., baenangaka na etape e mole mokabebo isɔpi, bamobateaka ta monɔkɔ mo Yesu. 30 Yesu atombaka mana ma vino e ngayi emina, ngɔngɔ abalaka: «Misusu mikoki!» Na bea, asuneaka molo ko molema motsweaka.

31 Elenge edaka busa bo mosalingo mo busa bo sabata, na bonɔ mɛnɛ sabata emina edaka isu inɛnɛ, bakondji ba bayuda baipalaka mikuku midike mibaki ta ekulusu. Na bea bahɔdjɔkɔ Pilato babuke mako ma bato ibabakama ta ekulusu*19, 31 Baipalaka... Sabata Endja pongono ta Mib 21, 22-23. Bobuka mako ma bato ibabakama ko batitedje mikuku mimina. 32 Basoda baduaka bobuka mako ma moto o boso obakamaka engbanga na Yesu ta ekulusu, na yona o babae. 33 Ehole eimeabo adi Yesu, bamoenɛ agwaka ehele; na tina emina baimobukaka mako. 34 Endolo omɔti o basoda amolusaka mopandje na ikɔngɔ i nde, ko makia na madiba maimaka. 35 Moto oenɛkɛ meako mimina apaka tati ko tati e nde idi soti. Adjebaka boo abalaka soti. Apaka tati emina e bɛngi ino pongono odimeni*19, 35 Ino pongono odimeni Kaoko, makoma makina Ino pongono oyeyoeni ta bodima. Endja pongono ta 20, 31.. 36 Na bea, meako mimina mimeaka bɛngi ikomi ikokedjame: «Pɛ nongo mokua mo nde mobukeabi*19, 36 Endja pongono ta Boi 12, 46; Mit 9, 12; Ndj 34, 21..» 37 Ko makomi makina mabali: «Baendjabi yona olusakabo mopandje*19, 37 Dje 12, 10..»

38 Ngɔngɔ imina, Esepu, moto o Alimatayo*19, 38 Alimatayo Endja pongono ta Mat 27, 57., asɛngɛkɛ enɔi adi Pilato bɛngi boo atombe mokuku mo Yesu. Esepu adaka omɔti o batingami ba Yesu, endolo ta mbombi tine adaka na bɔɔ bo bakondji ba bayuda. Ko pilato amopaka. Na bea Esepu akɛkɛ atomba mokuku mo Yesu. 39 Nikodɛmɛ, yona okɛkɛ botanea Yesu na bulu, aduaka pongono ko amolwɛkɛ munɛ mobongoanake mbuti na kilo tuku isato i mile ko na aloe*19, 39 Nikodɛmɛ... Akɛkɛ na bulu Endja pongono ta 3, 1-2. Aloe ko mileMunɛ kaoko mosoloa mosu e itindi mokɔmɔ na mole mo aloe na mole mo mile, mosopeaka bayuda ta epasa e esendja epu edingakabo ta mokuku boso bo bomoisa ta ikila.. 40 Na bea batombaka mokuku mo Yesu, bamodingaka na bipasa bi bisendja bipu ko bamosopeaka misoloa mi so e itindi elenge bayuda, ta makɔkɔ ma bobo, bakakɔe ta ehole ekapusebo mikuku mi bobo. 41 Enakobea edaka na gbie emɔti ta polo ebakaka bo Yesu, edaka ena na ikila iyanie ida bo pɛ bopusea moto boso. 42 Elenge edaka busa bo mosalingo mo busa bo sabata e bayuda*19, 42 Endja pongono ta 19, 31. ko ikila idaka mbuti, basambeaka mokuku mo Yesu.