Marcos 2

3 Bato badoa na moto omɔti iyo odaaka na binama bikatatake: Bato banɛi bakɛkɛ amosonge. 4 Endelo baihɔnɔkɔ boimea na nde ta dii Yesu elɔke tingi na emumu e bato, baiwea na nde ta diko di etondo, batɔɔ ipose ta diko di etondo ta esika edaaka iyo aemi ko batitedja moto o mako makatatake iyoyo odaaka asambi ta bokaki. 5 Yesu aɛnɛ edhimeli e bobo, abala na moto o mako makatatake bo: «Mwana o mbi, pekato dji wɛ djikutubani.» 6 Bakina balehi ba mobeko badaaka ena na mobondo, balɛdjɛkɛ modjɔ momina ta nase dji milema bo: 7 «Tina ndani moto iyo abalakadea ibobo? Atsiolakadea Ndjakomba! Omina obwani bokutubanedja pekato nda? Emiti daa oko Ndjakomba iyo mɛnɛ*2, 7 Bosinga Ndjakomba: Kuanedja Lew 24.16. Ndjakomba oyo mɛnɛ moto obwani: Boindja Ndjem 103.3; Es 43.25.!» 8 Yesu na Mwembo asipoa ilɛno dji bobo, ko abala na bu bo: «Olɛdjini iboa tina nda? 9 Eka ndani enɔi na bopipo, bobala na moto o mako makatatake bo: "Pekato dji wɛ djikutubani", kaoko bobala bo: "Sangɔdjɔ, tomba bokaki bo wɛ ko kɛɛ"? 10 Ekahia djebani bo: Mwana o moto adii na bokondji bo bokutubanedja pekato dji bato iyaya ta kpɔtɔ.» Iboa Yesu abala na moto o mako makatatake bo: 11 «Naotɔndei bo: angɔɔ, tomba bokaki bo wɛ, ko yana ta ndako e wɛ.» 12 Moto omina asangɔdjɔ, na mbala emɔti andoa bokaki bo nde, aimana ta boso bo bato basusu. Ko bato basusu bakamoa ko bakumedjaka Ndjakomba, ko babalaka bo: «Lopakinaenɛ modjɔ mondumba imumu.»