Yeso osuo nzuru ol’ayio
19 M’ãnkunwal mã tsoo lili li eyenge olɔ, ayio ábvɔɔn onse nzɔ ngamɔ̃ bvool áwɔɔl edzoo e yɔ me ndɔɔ yɛn bɔ ákebal Ayuda. Yeso oyi, otɛɛn kal-a-kal a bɔ, bu alieel bɔ bubu: «Yɔɔl opi okal ye byɛ!» 20 Ke mbee a ŋ’eyɛɛn ndɛ bɔ obobɔ, ndɛ osuo bɔ mviɔɔl y’ebɛɛ e ndɛ. Ayio aluul m’esɛ ŋ’emwɛn bɔ Mfam. 21 Ndɛ bvool olieel bɔ bubu: «Yɔɔl opi okal ye byɛ! Emfa ki étam Taal ndyam mɛ̃, mɛ̃ ndyam hɛ̃ ntam byɛ!» 22 Ke mbee ãyɛɛn omɔ̃, Yeso ofel ɔ̃fiaal nkal a bɔ, bvool oliee bɔ bubu: «Eyɔɔ Ɔ̃fel wu Ɔ̃nsensal! 23 B’ekieel edzeel byɛ ãbi ã bɔ, abɔɔ odzeel. B’ekieel ebee byɛ ãbi ã bɔ odzeel, k’abɔɔ odzeel wɛ!»
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)