34 Ke mbee oŋɔ̃, Yeso oti embuul e baal mbel y’ayio a ndɛ, bu alieel bɔ bueel bubu: «Okɛɛn mbuul odzii k’anɔɔn a mɛ̃, ebvaan kwɛn ndɛ abee omwiĩ o ndyam bvool obesiɔɔl. Yɔɔl kwɛn ndɛ abiri enkulusu e ndɛ bvool anɔɔn a mɛ̃. 35 Ke ngwel wɛ, wu odzii k’abvuul omwiĩ o ndɛ, wu àywɛn a bɔ. Kɛn a wu àywɛn a omwiĩ o ndɛ me ndɔɔ a mɛ̃ bvool me ndɔɔ a Nsia yi Ngesɛ, wu àbvuul bɔ. 36 Ŋɛn mbuul obɔɔ opfel b’ɔkiri a nsie ndyam wueel, bvel emã li obɔɔ ndɛ, okɛɛn ndɛ oywɛn a omwiĩ o ndɛ? 37 Eluɔ emã kyɛn mbuul okoo k’awa ke mboo a omwiĩ o ndɛ? 38 Baal ba lio li ali anga-ãbi bvool k’akuru ãnzuru me Nziã wɛ. Okɛɛn mbuul oli y’opfuru o mɛ̃ ye b’ãyɛɛn ã mɛ̃ ke nkwel a baal obɔ, obobɔ, mɛ̃ wu Muaan a mbuul, ekieel ekal y’opfuru o ndɛ me lio li èya mɛ̃ onse lweel e tal a mɛ̃ y’ãnzwel m’ɔ̃nsensal.»