25 Ciziemne, kemret keugidi eh, nnui keheibe de pe kidabe dade kesangbe ranglu, kedanemene anui au pumge ga peupeime kaplu. 26 Nnui ratalu dede kemau teiso. Peu nnui rata eh tingnaimiak nlüt diso,4:26 Lei. 4:4 27 mede herakesiabe de zuiyi keyi gede peu so. 28 Keregabe de rega sita dilu. Dede pa pe bale bata keyi tei eh heta tei maisia, iciu eh pa teu maikesiame de ma pwa peulu kerane. 29 Nnui mui gade sam kesiabe kette peu rangpet so, dede sam keyibe, mi teumai kesiabe mide teu cuhlu kerabe rünne ranglu, iciude kekingneime de peu ngaugia ngaulu zie. 30 Nah Tinggwang Kemci Rabe suisiet teiso, pe dade nnuide rilu kera benai ziemne giaklu delu. 31 Peu helung kekaa pekiene, nah lunghop, nah rata, nah regi kecu, nah mide kii kecu, lungcet kesia leune si eh gidi lu. 32 Meliene, hangge ge dade nnui zai yi nah helung ncieplu, ketket maugi beulu, Khrista gade Tinggwang nnui maugi kebeu nzwa.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)