1 Ge RAMPAUBE sam a da gwang eh, ranggai, 2 "Mina nabo, dainzwa eh hegung gega tsingbangdung kakgade kubebang kiakdung ge tsingbang kebambe swa yiki no? 3 Minadung kubebang tsing keu ma keheibe tei lani? Mede penui cide le makegwak bam tei lwe makeheibe de cika ge kezu lubui ni? 4 Pielo! Magade cide midui nzwa mi gage kelien gai dide, nah magade petu kena nah sum de de rudi, cide madung ge ziemne pekeyi bam ni? 5 Pielo! Cide rucang kedi dau, cide magede tei gai lak! Kesang lie, mi le ru kedi dau iciu eh cide teumai kesiabe kecang de magede teigai lak. 6 Ciziemne RAMPAUBE Tinggwang aide ranggai: Hegung ga tsingbangdung nzwa mene, Ih kubebang midui nzwa mi ziemne pwapeu; Jerusalem ga lungh kebamme dage de Ih cide kesiakte ge teigai zie. 7 Kedanemene Ih penuide renia zie. Penui mi gade mpet lu liede, iciu de mi ne penuide tyei luzie; iciu eh Ih RAMPAUBE lie kecu nnui cilu zie, Ih penuide renia kecu dau. 8 Pecai Ih hangdeu be de hetaideu ge tei dizie kedanemene a minadung kemau tei kedine, aide RAMPAUBE Tinggwang ndugai."