Apocalipse 21

नवू जुग आन नवी धरती

1 ताहां आंय एक नोवू जुग आन नोवी धरती देख्यी, जुनू जुग आन जुनी धरती बेनू आरतात गोयेते, आन दोर्‍या बी ने रोयू. 2 ताहां आंय सोको होयर, नोवा येरुसालेमोहों देवोअ जागे जुगोमेहें रोत उतरीइत्लाहा देख्यो, तों वोरोअ काजे हिंगरावल्यी वोड़ली जेहें होबाड़ल्यो ओतो. 3 ताहां आंय राजगादीइहीं रोत निहींल्या एका आवाजोहो उनाअयू, "पाला, देवोअ वोहती माअहोंअ विसमेहें होय. तो तियांआं विसमेहें रोय, आन तें तियाआ माहें बोणे आन देव सोताहा तियांआं विसमेहें रोत कोइत तियांआं देव बोणे.✝21:3 लेवी 26:11,12; यहे 37:27 4 तो तियांआं डोआमेर्‍येए आक्खे रोज्ये नुसीत टाके; आन तिहींइं फासाड़ी ने मोत रोय, ने रोड़ीइलोअ, ने विखु, आन ने दुख, काहाके जुनी गोठी निहींत गोयीही."

5 ताहां राजगादीपोअ बोहनारे कोयो, "पाला, आंय आक्खो नोवो कोअहो." फाशोअ तिये कोयो, "ए गोठी लेखीत ले, काहाके ए खोरी आन सत्य होय."