Eclesiastes 3

आखा कामोअ एक ठरवीइल्यी वेल होय

1 आखी गोठीइ एक वेल रोहे आन धरतीपोअ*3:1 धरतीपोअ दिहोअ निसे ओवनारा आखा कामोअ एक वेल होय.

2 जल्म लेअलाआ वेल, आन मोइलाअ बी वेल;

ठांइलोअ वेल आन तियाहा उफड़ीइलोअ बी वेल होय;

3 देअलोअ वेल, आन हुदारीइलोअ वेल;

आरवीइलाआ वेल, आन बोणावीइलाआ बी वेल रोहे;

4 रोड़ीइलाआ वेल, आन ओंहींइलोअ बी वेल रोहे;

विखू कोइलाआ वेल, आन नासीइलाअ बी वेल रोहे;

5 डोणे टाकीइलोअ वेल, आन डोणे हाटवीइलाआ बी वेल रोहे,

गोले लागाड़ीलोअ वेल, आन गोले ने लागाड़ीलोअ रुकीइलाआ बी वेल रोहे;

6 होदीइलोअ वेल, टाकीइलोअ बी वेल;

वासाड़ीत मिकीइलोअ, आन उडाड़ीलोअ बी वेल रोहे;

7 फाड़ीइलोअ वेल, आन हिंवीइलोअ बी वेल रोहे;

ठावका रोअलाअ वेल, आन गोगीइलोअ बी वेल रोहे;

8 मेर कोइलाआ वेल, आन दुस्मोनी कोइलाआ बी वेल रोहे;

लड़ायीइ वेल, आन होकेहे रोअलाआ बी वेल रोहे.