Amatayo 20

Anyongo bhabhenji Ayakobo na Ayohana bhatenda kwaajopa Ayesu chilebhe

20 Ngapena ahanu bha Azebedayo pamo na bhana bhabhe bhakaajendelela Ayesu akaatindibhalila majugwa na kwaajopa chilebhe.

21 Ayesu bhakaakonya, "Bholi, mpala niki?"

Nabhena ahikege bhakajangula, "Nnobholele kweli mu Umwenye gwinu, habha bhana bhangu bhabhele bhapakutamanga jumo kunnelo, na jongi kunchiji mu Umwenye gwinu."

22 Ayesu bhakajangula, "Ngachimanya chinnyopanga nga chiniki. Bholi, nkombolanga kuching’wela chikombe cha kulaga ching’wela nenga yakubhee mmi kubhandikila kuching’wela?"

Bhakajangulanga, "Tutenda kombola."

23 Ayesu akaalobholelanga, "Kweli mpakung’wela chikombe changu, nambo kutama upande gwangu gwa kunnelo au kunchiji ngabha mamulaka gangu kunnpekeanga, nambo bhapakupatanga bhenibhala bhabhekitwe tayali na Atati bhangu."