Mateus 24

Kulaga na hibhini

3 Ayesu pabhakibha atamite palitombi lya Mizeituni, bhabhachijigana bhakaajendelela pantemela, akaakonyanga, "Ntulobholele hikubho heye hipakubhokela lichobha niki?" "Na hilolelo niki hipakulangia kuhika kwinu na kupela kwa chilambo?"

4 Ayesu akabhajangulanga, "Mmangange miho nkoto kutembwanga na amundu. 5 Kwa kubhee bhajingi bhapakuhika kwa kupetela lihina lyangu, bhabhikulobholanga kila mundu, ‘Nenga nga Akilisito!’ na bhenaangota bhapakwaatembanga bhandu bhajingi. 6 Mpakujohanga ngani ja ngondo na nong’ominong’omi ya ngondo, nambo nkotokuhechukanga, kwa kubhee genago gapalikwa kubhokela, nambo kupela hoko kubhii tangu.