Mateus 7

Nkotokwahukumula bhandu bhangi

1 "Nkotokwaahukumulanga bhandu bhangi, na mwangota mpakuhukumulwa na Annoongo, 2 maana chimpakunhukumula nnyinu na mwangota chimpakuhukumulwa, na chipemelo chela chela chimpakupemela bhandu nga chochocho Annoongo nga chibhapakunpemelanga mwangota. 3 Kwaniki muchibhona chipande chichoko chichibhile mu lio lya anung’una jwinu, na kongo chipalapata chichibhile nkati ja lio linu ngachilola? 4 Nkombola bholi, kunnobholela anung’una jwinu, ‘Anung’una bhangu, nnende nimmoe chipande chichoko mu lio linu na kongo mwabhene nkweti chipalapata mu lio linu? 5 Mwe andendemundu! Nnyemeke kubhoa chipalapata chichibhile mu lio linu, penapo nga pampakombola kulola kweli chimpakwaabhoa chipande chichibhile nkati ja lio lya anung’una bhinu.’"