2 O mbiha e maina motoba, Yesu aopwa mputa nande Petelo, Zake mpe Yoane, mpe aobatombi o liko i monkondo mo motale mpiko oliki nko balɔkɔ kaika. Aenzaki lɔɔbɔ o maiho ma balɔkɔ; 3 bitobo binande biliki langi langi nko bwe bwe o lolenge lɔpɔhe nsa na moto ɔmɔ anɛ o nse nobiyia9, 3 Nwɛlia na 2 Pet 1.16-18.. 4 Elia na Mɔsɛ bababɛlɛlɛki mpe bakɛtɛki miamba balɔkɔ na Yesu. 5 Na boiko, Petelo aohangala Yesu ndɛmbɔ: «Molaki, ele bɔlɔti iho noyala anɛ. Tɔtɛlie biɛmbɛ bihato, ɛmɔ itina iwɛ, ɛmɔ itina inka Mɔsɛ mpe enkina itina inka Elia.» 6 Na iliɔlɔ, taɔhɔlɔ lotepela nde na itina baliki na bɔpɔlu. 7 Eombi eyakaki nobalipa mpe iyoi nyaima o eombi mbɔ: «Ɔnɛ ale Ngana omi o lolango, bomoke9, 7 Lenda 1.11 mpe nkɛti ile o nse.!» 8 Nko o elaka eiko, baekoli balendaki mbiha na mbiha tabaɛnɛ moto nko Yesu mputa na balɔkɔ. 9 Osulwaki balɔkɔ nyaima o monkondo, abapaki lotomo noyala nkɔhɛkɔlɔ nsa onka moto ɔmɔ liɛnɛki balɔkɔ, kii o elaka engokudwe Ngana onka bobato nyaima o bawa. 10 Babatelaki lobo lɔlɔkɔ, ya bayaubolaki o iyɔngɔ i balɔkɔ nimbo enka: «"Nokundwa nyaima o bawa"?» 11 O mbiha, baekoli baubolaki Yesu: «Itina be balaki ba mokeko batepelake mbɔ yɛngɔ nko Elia aye boho9, 11 Nwɛlia na Mlki 3.23.?» 12 Abaisenyelaki bɔnɛ: «Ele nko hɔlɔ Elia aoye boho mpe abɔtie inkuma. Ya itina be lɔkɛtɛmɛ mbɔ yɛngɔ Ngana onka bobato anyɔkwe penda mpe amingwelame9, 12 Lenda Isay 53.3; Nye 22.1-18.? 13 Ya mi, na bwebia mbɔ: Elia aya, mpe bamokelelaki inkuma liondaki balɔkɔ nokela, nga bɔkɛtɛmɛki na boili nde. Bakelaki na nde nga bondaki balɔkɔ, nga botepela nkɛti na boili nde.»
Yesu aobikia ngana ɔmɔ otungiamaki na molimo mobe
(Lenda mpe Mat 17, 14-21; Luk 9, 37-43)