Lucas 1

Asem ayi Zakariya

67 Tetɛɛ maa Zakariya ne shaga ne Izhu tsetser te na bla ki yiŋ ndi tei na ni ti: 68 <<Ta bǝ gbar Ŋgɔŋ asak, Arik ane Isrela, te ne nyɛ tena ta aneshir amaa azhɔk. 69 Ne gli ine ta ta azhɔk ne kɔb kɛ igen amaa Doda.

70 Ndi ne bla nenu abɛ bla shar maa abɛ yi tsetser ne mkpaŋ kɛ kukub, 71 ita zhɔk ire bǝn abɛ te zɔr amɔr ben aŋɔk abaŋ ndi akyak ta bɔbɔk 72 Te tsar lɔ susun iye atsintsim amɔr tena shu zhi ilɛ tsetser kɛ kpa nyak maa, 73 Arim ayiŋ ndi ne she ntsǝntsǝm amɔr Ibrai ne yi: 74 te abɛ ta ta zhɔk ne aŋɔk abɛ te zɔr bǝn bɛta,

Te duŋ ta bǝ zekuru yaŋ te sisik, 75 te abɛ yi tsetser bǝn susun didik ne ti maa bǝn bɛr mɔr bɔbɔk. 76 Fe uwa, izu muŋ, atei zhɔu te ine bla shar yi Arik Ŋgɔŋ ne Shu; Ayi wa utei ku Ŋgɔŋ ti te te nau ankɔŋ, 77 te bla aneshir lɛ kɛ ta ita zhɔk ne ta ba azhɔk ne zumimin men, 78 te ne wɔ lɔ susun mɔr ndi Arik ne tǝǝ ta, ndi arik ane laŋ atei hrie ta ire shu 79 te laŋ ahrie netu abaŋ ndi ayi ne bu ben izhu iyi ku, te bɛ ŋub aza mɔr ne kɔŋ kɛ sik susun.>>