Lucas 10

Nkanlɛ iyi ner didik

25 Iber nuŋ yime iner ngɔŋ nuŋ ne tsar zhi nkenlɛ alu aklɛ tǝ wa abɛ tsar zhi Yesɔ. <<Ine Tsar,>> arib, <<Aye anii M tei na tem ta ivli kɛ yaŋ klɛtu?>>

26 <<Ayi nii ne cɛrǝ ne cɛr iyi Musa?>>Yesɔ asagu ma, <<Ubla kɛ kikini?>>

27 A diu: <<<Nyer Arik Ŋgɔŋ ami ne susun mi ben kpami ben Iklik mi ben izhi mi, te na, <Ta nyɛmɛ ben kpami ndi itu mi.>>>

28 <<Une ta nyɛmɛ anenen,>> Yesɔ adiu. <<Na amɛ te utei yi tsitsir.>> 29 Ankyak akɔ di wa atei ŋla tu maa, fe akɔ rib Yesɔ, <<Tǝ ayi ŋɔwa ayi kpamuŋɔi?>>

30 Yesɔ a saga te di: <<Iner nuŋ a azǝ are Urshelima te nyɛ Jerikɔ, ndi ne te zhaku ayir aŋɔk abɛ zhib. Ne kpob iki maa, te tsǝgu te lu kama tibɛ te duŋu ne ku asǝ. 31 Ine na ndum kǝ Arik ne gar azǝ ankɔŋɔ ne yigu, te gayir azǝ kɔnsa. 32 Amɛ, ine na ndum kɛ Arik nuŋ nena yigu tena zǝ kɔnsa gayir. 33 Ankyak awɔnǝ Samariya nuŋ ne gar azǝ amɔ te yik nɛrɛ akɔkur, te wɔ lɔ susun maa. 34 Te gar bene bɔu te kpau amkpaa ma, te bwau anyɛ bene amashir mwamwaŋ ne amkpaa ma. Te baŋu asak ne tu tatur te yuŋu te kɔmɔ ne amkpa ane kur amaa te nau. 35 Ndi bɛr ne ŋen a baŋ azɔb amɛ yaa anǝk iner ne kɔbɔ. <Tǝ abɛ bene tɔu,> a diu, <Mte nyak, M tei nka yau idǝk mi.>

36 <<Ai ŋɔwa ne min kɛ aner atar abaŋa ayi kpa maa neshir waŋ di abɛ zhib ne tsǝgu mai?>>

37 Ine zhi kenlɛ a sagu ma tedi, <<Iwaŋ di ne wɔ lɔ susun nɛrɛ.>>

Yesɔ adiu, <<kɔmɔ te na mee mi yi.>>