LUK 2

22 Ndi mkpaŋ kɛ su tsetser ne te nǝ lɛ kɛ cɛr Musa, Yusuu ben Meryamu ne baŋ Yesɔ te gar Urshelima te abɛ nek Arik ne wu 23 (irkeŋ ndi ne yi ne icɛr yi Musa, <<Vǝnlum ne kuti ŋli ndi ayi tsetser atei nek Arik ne wu>>), 24 fe abɛ tsik baŋ ne lɛ keŋ ndi ne bla kɛ ne cɛr ilɛ kǝ Arik: <<Angu amɛ yaa kɔ tatabara amɛ yaa.>>

25 Fena iner nuŋ waŋa ayi ne Urshelima ndi a zhɔ sak maa te Saminu, waŋ ndi ana ki didik tena nǝk tu nǝ lɛ kɛ Arik. Waŋ ndi asɔŋ aŋub waŋ ndi ate gli sik susun anyɛ me ne Isrela, ndi Izhu tsetser iyi bene bɔu. 26 Neka mǝne blau ne Izhu tsetser te di ate yik Ŋgɔŋ Kristi te te kashe ku. 27 Izhu tsetser ne gliu te gar Akabakɔŋ ayou Arik. Ndi ane Yusuu ben Meryamu ne gli Yesɔ te gar Akabakɔŋ te abɛ nau kiyiŋ ndi ne di abɛ nayi nǝ icɛr yi Musa, 28 Saminu ne tau agli ne aŋɔk amaa te nyer Arik, te di: 29 <<Arik Ŋgɔŋ, irkeŋ ndi uneka kpa nyak, duŋ igen ami abɛ ku ne sik susun. 30 Tǝ ayi amuŋ neka yik ita zhɔk mi, 31 Yiŋ ndi une men nai nyak neyi ita zhɔk aneshir bɔbɔk, 32 Ilaŋ ne nyɛ abaŋ ndi ba yi ŋli kɛ Yahudawa ba ben ngɔŋ ne aner abɛ Isrela.>> 33 Tetɛɛ maa vǝvǝne ben iya maa ne vuŋ anu ne kiyiŋ ndi ne bla ne atu amaa. 34 Ankyak Saminu ne nek ba anu adidik te di Meryamu, yaa maa Yesɔ: <<Vǝvǝn waŋa atei duŋ aneshir anuŋ azhaku te anuŋ tetɛk atei lu ne Isrela. atei yi ngir kǝ rɛ bǝn Arik waŋ ndi aneshir tetek atei lɛlɛ maa, 35 te duŋ lɛ ne susun anuŋ bɛ ru abɛm. Tena duŋ anzigba atur susun mi.>>

36 Ine bla shar ayou Arik nuŋ ndi azhɔu te Ana, iva Fanuwe iŋli kɛ Ashiru. Ne ce ngɔŋ ne yi ase sɔk tendǝr, ne tǝ ase taŋgba bene lu maa, bane duŋ Akabakɔŋ ba, azekuru Arik aririk nǝn ibu, tena ben Arik te aber akpa nu. 37 Ndi lu maa ne ku ne sɔŋ yaŋ lulum ase sɔk tender ane nas. Ne sɔŋ ne Akabakɔŋ te ben Arik ne aririk bǝn bu tǝ nɛ ben kpa anu. 38 Ne kpaŋ yuŋɔ Ana ne gar, te kɔte nyer Arik tena lɛ ne atu ayi Yesɔ bene aneshir bɔbɔk abaŋ ndi ne shur ayi bǝn ne ta Urshelima zhɔk.