Lucas 7

24 Ndi abɛ shar Yɔɔna ne kama kɔmɔ, Yesɔ ne bla aneshir lɛ kɛ Yɔɔna: <<Izhin gar tɔ anii ne zizigei? Ngungu yi fuk agǝga yi? 25 Mba me ba, izhin ru gar tɔ anii? Ner waŋ ndi a su nklunklu didik yi? Ba me ba, a baŋ ndi asu nklunklu yi te anyaŋ bǝn abaŋ ndi awɔ men kɛ goŋmimi akɔ sɔŋ ne akaba ayou itum. 26 Tǝ zhin ne ru gar tɔ anii? Ine bla shar yi Arik? Mbla zhin, Yɔɔna a naŋ ne bla shar ye Arik. 27 Waŋa a yi waŋ ndi ne cɛr ne tɔ ma te di:

<<<M tei shar gen amuŋ abɛ ku ti min,

Ndi atei na ankɔŋ anyagu.>

28 Yesɔ adi Mbla zhin, abaŋ ndi amba ne ŋli ba inuŋ ba naŋ Yɔɔna ba; Amɛ waŋ ndi wa ayi vǝtsɔb ne kɔb Arik anaŋu.>>

29 Aneshir bɔbɔk, bene abɛ ta gendu, ndi ne wɔ lǝlɛ yi Yesɔ, ne tanyɛmɛ te di ankɔŋ ayou Arik aye anenen, Fe asu ba ndi Yɔɔna asu aneshire. 30 Ne me Ferisawa bene bɛ zhi cɛr yi Musa ngɔŋ ne kyak kiyiŋ di Arik ne naa ba nayi, bai Yɔɔna ne su ba ba.