FAS KING 1

Profet Natan mo Batseba tufala i go luk King Deved

11 ✝ 1.11: 2 Saml 12.24 Nao Profet Natan i go luk Batseba, mama blong Solomon, i talem long hem se, "!Batseba! !Ating yu no harem, be Adonia ya, we mama blong hem Hagit, hem i mekem hem i kam king finis, mo King Deved i no save bisnes ya nating! 12 Sipos yu wantem sevem laef blong yu mo laef blong pikinini blong yu Solomon, mi mi talem long yu, 13 se naoia i gud yu go luk king, yu talem long hem se, ‘King, yu yu bin mekem strong promes long mi finis se Solomon, pikinini blong yumitu, bambae i tekem ples blong yu, i kam king. ?Be olsem wanem nao we Adonia i kam king?’