2 Reis 6

Akis we i draon, i flot bakegen

1 Wan dei, wan kampani blong ol profet we Profet Elisa i stap lukaot long olgeta oli kam talem long hem se, "!Haos ya we mifala i stap long hem naoia, i smol tumas! 2 I gud yu letem mifala i godaon long Jodan Reva blong katem ol wud blong wokem wan narafala haos. Bambae mifala evriwan i katem wanwan, mifala i karem i kam."

Mo hem i talem se, "I oraet nomo. Yufala i save go."

3 Nao wan long olgeta ya i strong long hem blong hem tu i go wetem olgeta, nao hem i go. 4 Olgeta evriwan oli go wantaem, mo taem oli kasem ples ya long Jodan Reva, oli stat katem wud. 5 Nao wan long olgeta i stap katem wan tri, be akis blong hem i kamaot long handel blong hem, i flae i go draon long wota. Akis ya, oli wokem long aean*6.5: Long taem ya, plante man oli no gat akis we oli wokem long aean from we praes blong hem i antap tumas, nao oli stap pem akis we oli wokem long bras nomo., we praes blong hem i antap tumas. Nao man ya i kam talem long profet se, "Profet. ?Bambae mi mekem olsem wanem? !Akis ya i blong narafala man ya! !Mi mi jes karem blong yusum fastaem!"

6 Nao profet ya i askem se, "?Hem i foldaon long weples?"

Man ya i soem ples ya long hem, nao profet i katem wan stik, i sakem i go long wota, mo wantaem nomo, akis ya i flot i kam antap. 7 Nao hem i talem long man ya se, "Yu tekem." Mo man ya i bendaon, i tekem akis ya bakegen.